14 кастрычніка 2009 года з 10.00 да 14.00 у галерэі “Лабірынт” Нацыянальнай бібліятэкі Беларусі пройдзе акцыя “Добрае сэрца маёй мамы”, прымеркаваная да Дня маці.
Мэтай акцыі з’яўляецца ўмацаванне сямейных адносін і ўсталяванне больш цеснай і сардэчнай узаемасувязі паміж дзецьмі і маці, а таксама развіццё творчых здольнасцей у дзяцей.
У святкаванні прымуць удзел шматдзетныя сем’і, прадстаўнікі грамадскіх арганізацый, жанчыны-ветэраны.
У рамках акцыі пройдзе конкурс дзіцячага малюнка, адбудзецца святочны канцэрт з удзелам дзіцячых творчых калектываў і зорак беларускай эстрады, а таксама будзе працаваць рэтра-галерэя, якая ўключае калекцыю жаночага адзення і ўпрыгожванняў мінулага стагоддзя.
Тэлефон для даведак: 293-27-67.
Е-mail: pr@nlb.by