11 снежня 2008 года сумесна з Пасольствам Рэспублікі Беларусь у Рэспубліцы Польшча ў Нацыянальнай бібліятэцы Беларусі адбылася афіцыйная перадача ў дар літаратуры і навукова-дакументальных матэрыялаў з асабістага архіва вядомых беларускіх дзеячаў Польшчы ў фонды Нацыянальнай бібліятэкі Беларусі.
У мерапрыемстве прынялі ўдзел намеснік дырэктара па навуковай рабоце і сувязях з грамадскасцю Л.Г. Кірухіна, старшыня Беларускага фонду культуры У.А. Гілеп, беларускі перакладчык, пісьменнік, паэт А.І. Бутэвіч, загадчык кафедры беларускай філалогіі, прафесар Варшаўскага універсітэта Алесь Баршчэўскі, супрацоўнік Польскага радыё, перакладчык паэмы Я. Коласа “Новая зямля” Чэслаў Сенюх, дырэктар міжнароднага фестывалю царкоўнай музыкі на Беласточчыне Мікалай Бушка і іншыя.