16 верасня ўдзельнікі мінароднай навуковай канферэнцыі «Славянскае кнігадрукаванне і культура кнігі» і сесіі Савета па кнігадрукаванні пры Міжнароднай асацыяцыі акадэмій навук (МААН) паднеслі ў дар Нацыянальнай бібліятэцы рад выданняў.
У ходзе візіту ў Нацыянальную бібліятэку Беларусі госці азнаёміліся з яе дзейнасцю, архітэктурна-будаўнічымі асаблівасцямі, тэхнічным аснашчэннем, інфармацыйнымі рэсурсамі, мастацкім афармленнем інтэр’ераў, калекцыяй рарытэтных выданняў.
Арганізатарам канферэнцыі і сесіі выступіў Інстытут філасофіі Нацыянальнай акадэміі навук Беларусі. У мерапрыемствах прынялі ўдзел айчынныя і замежныя вучоныя, спецыялісты кнігавыдавецкай справы.
 |
 |
