8 лістапада Нацыянальную бібліятэку Беларусі наведаў доктар эканамічных навук, прафесар, ганаровы работнік навукі і тэхнікі РФ, генеральны дырэктар навукова-даследчага цэнтра “Стратэгія” (г. Масква) А.М. Ларыёнаў.
У фонд бібліятэкі было перададзена ў якасці дару звыш 100 выданняў па актуальных праблемах інвестыцыйнай дзейнасці ў Расіі і краінах СНД. Вялікую цікавасць для беларускай навуковай грамадскасці могуць уяўляць друкаваныя матэрыялы міжнародных навукова-практычных канферэнцый па пытаннях кіравання галінамі нацыянальных эканомік і рэгіянальным рынкам жылля, развіцця экалагічнага домабудавання, фарміравання сістэмы самарэгулявання ў будаўніцтве.
Калекцыя перыядычных выданняў Нацыянальнай бібліятэкі Беларусі папоўнілася таксама камплектамі інфармацыйна-аналітычных часопісаў “Эканоміка і кіраванне народнай гаспадаркай” і “Жыллёвая эканоміка”.
Уся атрыманая літаратура будзе прадстаўлена чытачам для непасрэднага азнаямлення на выстаўцы новых паступленняў у фонды галоўнай бібліятэкі нашай краіны.
 |
 |
 |
