20 сакавіка адбылася ўрачыстая цырымонія перадачы ў дар Нацыянальнай бібліятэцы Беларусі кніг эквадорскіх аўтараў.
Мерапрыемства прайшло ў рамках візіту ў Рэспубліку Беларусь Надзвычайнага і Паўнамоцнага Пасла Рэспублікі Эквадор у Расійскай Федэрацыі (у Рэспубліцы Беларусь па сумяшчальніцтве) Патрысіа Альберта Чавеса Савалы.
Спадар Чавес Савала выказаў сваю ўдзячнасць дырэктару Нацыянальнай бібліятэкі Беларусі Раману Матульскаму і перадаў у фонды бібліятэкі кнігі па гісторыі, культуры і традыцыях Рэспублікі Эквадор.
Урачыстая цырымонія стала важным крокам на шляху збліжэння і ўмацавання традыцыйных сяброўскіх адносін беларускага і эквадорскага народаў, развіцця культурнага супрацоўніцтва дзвюх краін.