11 лютага ў рамках адкрыцця ХХIІ Мінскай міжнароднай кніжнай выстаўкі-кірмашу дэлегаты Кітайскай Народнай Рэспублікі падарылі бібліятэцы больш як 500 найменняў кніг.
Прадстаўнікі Галоўнага дзяржаўнага ўпраўлення па справах прэсы, выдавецтваў, радыёвяшчання, кінематаграфіі і тэлебачання Кітайскай Народнай Рэспублікі ўручылі дырэктару бібліятэкі каталог выданняў, якія будуць перададзены бібліятэцы ў найбліжэйшыя дні.
Звыш 500 выданняў аб культуры, палітыцы, адукацыі, мастацтве і грамадскім жыцці Кітая, шматлікія кнігі аб ваенных дзеяннях папоўняць фонды Нацыянальнай бібліятэкі Беларусі і стануць даступнымі шырокаму кругу чытачоў.
У гэтым годзе Кітай з’яўляецца ганаровым госцем міжнароднага кніжнага форуму. Стэнд краіны багаты разнастайнымі выданнямі і ўключае цэлы раздзел, прадстаўлены Нацыянальнай бібліятэкай Беларусі, у пацверджанне дружалюбных міжкультурных узаемаадносін.
 |
 |
 |
 |
 |
