16 чэрвеня адбылася перадача калекцыі кніг і кінафільмаў Пасольствам Латвійскай Рэспублікі ў Рэспубліцы Беларусь у дар Нацыянальнай бібліятэцы Беларусі.
Мерапрыемства прайшло пад эгідай старшынства Латвійскай Рэспублікі ў Савеце Еўрапейскага саюза.
Кнігі для перадачы ў дар прадастаўлены Нацыянальнай бібліятэкай Латвіі і сакратарыятам старшынства Латвіі ў Савеце Еўрапейскага саюза ў рамках міжнароднага праекта “Перадача кніг бібліятэкам іншых краін”, а таксама Пасольствам Латвійскай Рэспублікі ў Рэспубліцы Беларусь. Акрамя таго, у зборы знаходзяцца выданні, падораныя бібліятэцы латышскімі аўтарамі і выдаўцамі. Кніжная калекцыя дапоўнена запісамі 25 латышскіх кінафільмаў.
Нацыянальнай бібліятэцы Беларусі перададзены кнігі, прысвечаныя гісторыі і культуры Латвіі, латышскай літаратуры і мастацтву. У калекцыі прадстаўлены выданні на англійскай і рускай мовах.
У цырымоніі перадачы калекцыі прынялі ўдзел Надзвычайны і Паўнамоцны Пасол Латвійскай Рэспублікі ў Рэспубліцы Беларусь Міхаіл Папкоўс, намеснік дырэктара па інфармацыйных рэсурсах Нацыянальнай бібліятэкі Беларусі Таццяна Кузьмініч.
 |
 |
 |
 |
 |
 |
