У Нацыянальнай бібліятэцы Беларусі 15 снежня 2009 года адбыўся семінар-дыялог “Дакументыя фонды бібліятэк Беларусі: забеспячэнне захаванасці і бяспекі ў сучасных умовах”.
У мерапрыестве прынялі ўдзел больш за 70 спецыялістаў з рэспубліканскіх, абласных, гарадскіх і раённых бібліятэк Беларусі, а таксама бібліятэк ВНУ і Нацыянальнай бібліятэкі Беларусі.
У дакладах вядучых спецыялістаў Нацыянальнай бібліятэкі Беларусі, Гродненскай абласной навуковай бібліятэкі імя Я.Ф. Карскага, Цэнтральнай навуковай бібліятэкі імя Я. Коласа Нацыянальнай акадэміі навук Беларусі былі адлюстраваны тэарэтычныя і практычныя пытанні арганізацыі, захавання і выкарыстання бібліятэчных фондаў.
З дакладамі выступілі Кузьмініч Т.В., намеснік дырэктара па інфармацыйных рэсурсах; Прадзеіна А. В., загадчыца навукова-даследчага аддзела бібліяграфіі НББ; Кумпель Т.А., загадчыца аддзела адзінага фонду Гродненскай абласной навуковай бібліятэкі імя Я.Ф. Карскага; Дзем’яновіч Т.А., вядучы бібліятэкар Беларускага дзяржаўнага універсітэта культуры і мастацтваў; Леўчанка Э.Э., загадчыца сектара аддзела кнігазахавання НББ; Мельнікава Н.У., вядучы бібілятэкар аддзела кнігазахавання НББ; Няборская В.В., вядучы бібліятэкар аддзела кнігазахавання НББ; Самаркіна Л.І., загадчыца сектара аддзела захоўвання часопісаў і выданняў з працягам; Тоісцева І.М., загадчыца сектара аддзела захоўвання спецыялізаваных фондаў НББ; Івашка Т.В., загадчыца сектара аддзела захоўвання спецыялізаваных фондаў НББ; Сцефановіч А.В., загадчык аддзела рэдкіх кніг і рукапісаў Цэнтральнай навуковай бібліятэкі імя Я. Коласа НАН Беларусі; Каваленка З.С., загадчыца аддзела рэстаўрацыі і кансервацыі бібліятэчных фондаў НББ.
Разгледжаны ўмовы захоўвання розных відаў дакументаў, а таксама асноўныя падыходы да забеспячэння фізічнай захаванасці, рэстаўрацыі, кансервацыі і пераплету выданняў.
Звернута ўвага на:
- неабходнасць заканчэння работы па падрыхтоўцы новай рэдакцыі “Інструкцыі па ўліку і захаванасці фондаў у Рэспубліцы Беларусь”;
- актуальнасць распрацоўкі Нацыянальнай праграмы захаванасці і развіцця бібліятэчных фондаў у Рэспубліцы Беларусь;
- мэтазгоднасць правядзення навучальных мерапрыемстваў па рэстаўрацыі і кансервацыі бібліятэчных фондаў;
- неабходнасць падрыхтоўкі метадычных матэрыялаў па арганізацыі фондаў, іх захоўванні і выкарыстанні асобных відаў дакументаў.
У межах семінара-дыялогу ўдзельнікам была прадастаўлена магчымасць наведаць аддзелы кнігазахавання; захоўвання часопісаў і выданняў з працягам; захоўвання спецыялізаваных фондаў і аддзел рэстаўрацыі і кансервацыі бібліятэчных дакументаў і азнаёміцца з умовамі захоўвання розных відаў выданняў у НББ, а таксама комплексам мерапрыемстаў па забеспячэнні іх фізічнай захаванасці.
 |
 |
 |
 |
 |
 |
