29 мая дзіцячы пакой Нацыянальнай бібліятэкі Беларусі запрашае дзяцей і іх бацькоў на святочнае мерапрыемства “Дадзім шар зямны дзецям!".
Мерапрыемства, прысвечанае Міжнароднаму дню аховы дзяцей, складаецца з дзвюх частак, якія запланаваны адначасова: бацькам прапануюць прэзентацыю “Дадзім шар зямны дзецям!" (яна пройдзе ў зале дакументаў па мастацтве), а дзеці трапяць у свет разнастайных гульняў, конкурсаў, песень, танцаў і іншых вясёлых заняткаў.
Бацькі пазнаёмяцца з гісторыяй заснавання і святкавання ў свеце і ў нашай краіне Міжнароднага дня аховы дзяцей. У прэзентацыі будуць разглядацца пытанні абароны праў дзіцяці. Таксама дарослым будуць прапанаваны падборкі літаратуры па выхаванні дзяцей і папулярныя выданні дзіцячай мастацкай літаратуры.
Юныя наведвальнікі прадэманструюць свае музычныя і танцавальныя здольнасці ў конкурсах “Забаўныя квакушкі”, а праявіць кемлівасць, спрытнасць і знаходлівасць дзеці змогуць у гульнях з паветранымі шарамі. Пераўвасобіцца ў знаёмых казачных персанажаў удзельнікам дазволіць конкурс “Пантаміма”. Закончыцца свята салютам з мыльных пузыроў і маляваннем каляровым меламна асфальце.
Мерапрыемства праводзіцца бясплатна.
Запрашаюцца дзеці 5–9 гадоў.
Час правядзення: 12.00–13.30.
Кантактны тэлефон: 293-25-34.
