3 снежня ў рамках Міжнароднага дня інвалідаў у Нацыянальнай бібліятэцы Беларусі супрацоўнікамі аддзела экскурсійна-метадычнай работы была арганізавана дабрачынная акцыя.
Для выхаванцаў спецыяльнай школы для дзяцей з парушэннямі зроку, а таксама для інвалідаў Вялікай Айчыннай вайны і другіх грамадзян Рэспублікі Беларусь, якія праходзяць рэабілітацыю і пратэзаванне ў Беларускім пратэзна-артапедычным шпіталі, былі праведзны экскурсіі па бібліятэцы.
У ходзе экскурсій гасцей пазнаёмілі з архітэктурна-канструкцыйнымі асаблівасцямі і мастацкім афармленнем будынка Нацыянальнай бібліятэкі Беларусі, а таксама засноўнымі экспазіцыямі музея кнігі.