Нацыянальная бібліятэка Беларусі працягвае дабрачынную акцыю “Чытанне – прастора інфармацыі і ведаў”, накіраваную на папаўненне фондаў бібліятэк рэспублікі (устаноў сярэдняй і сярэдняй спецыяльнай адукацыі) мастацкімі, навукова-папулярнымі, вучэбнымі, вучэбна-метадычнымі, даведачнымі, энцыклапедычнымі і іншымі выданнямі, якія маюць культурную значнасць для айчыннага адукацыйнага асяроддзя.
Да марафону добрых спраў далучыўся Мінскі гарадскі інстытут развіцця адукацыі. Установа падаравала выданні, у якіх асвятляюцца наступныя пытанні:
- інавацыйныя падыходы да работы з падлеткамі і моладдзю,
- вынікі і вопыт інфарматызацыі розных устаноў адукацыі Беларусі,
- метады і тэхналогіі профільнага навучання ў школе,
- перспектывы кіравання якасцю адукацыі ў сталічным рэгіёне,
- стварэнне спрыяльнага сацыяльнага асяроддзя развіцця дзіцяці,
- прыярытэты развіцця дадатковай адукацыі дарослых.
Акцыя будзе доўжыцца на працягу 2019 года. Запрашаем усіх неабыякавых далучыцца да яе!
Кантакты:
Пераверзева Юлія Аляксандраўна,
заг. аддзела камплектавання фондаў,
Жукоўская Марыяна Вітальеўна,
заг. сектара ўнутрырэспубліканскага дакументаабмену і пераразмеркавання.
Адрас: 220114, г. Мінск, пр. Незалежнасці, 116.
Тэлефоны: (8 017) 293 25 20, 293 25 83.
E-mail: pereverzeva@nlb.by, jukovskaya@nlb.by
Інфармацыя прадастаўлена аддзелам кампектавання фондаў.
