23-29 лістапада ў Нацыянальнай бібліятэцы Беларусі адбыўся Інтэркантынентальны судзейскі курс па мастацкай гімнастыцы на 12 алімпійскі цыкл (2009-2012гг.).
Курс арганізаваны Беларускай асацыяцыяй гімнастыкі і Міністэрствам спорту і турызму Рэспублікі Беларусь.
Мэтай курсу з’яўляецца навучанне суддзяў новым правілам, рэгламентам па мастацкай гімнастыцы, павышэнне і замацаванне судзейскіх катэгорый на наступны алімпійскі цыкл 2009-2012 гг.
У мерапрыемстве прынялі ўдзел Прэзідэнт Міжнароднай федэрацыі гімнастыкі Грандзі Бруна, Генеральны сакратар Міжнароднай федэрацыі гімнастыкі Андрэ Гуайсбухлер, члены Міжнароднай федэрацыі гімнастыкі, тэхнічнага камітэта па мастацкай гімнастыцы, удзельнікі-суддзі з 41 краіны свету, якія прадстаўляюць дзяржавы СНД, Усходняй і Заходняй Еўропы, ЗША, а таксама Бліжняга Усходу і Афрыкі.
 |
