ГалоўнаяНавіныНавіны Нацыянальнай бібліятэкі Беларусі
“Гульня з усёй літаратурнай традыцыяй адразу”. Што расійскі крытык піша пра “Ноч” Марціновіча
“Суразмоўцы”: Навум Гальпяровіч з Пятро Васючэнкам

CIS Caucus: сустрэча дэлегатаў краін СНД на кангрэсе ІФЛА – 2019

CIS Caucus: сустрэча дэлегатаў краін СНД на кангрэсе ІФЛА – 2019
Іншыя навіны

24 жніўня ў сталіцы Грэцыі Афінах адбылося Штогадовае рэгіянальнае пасяджэнне прадстаўнікоў бібліятэк краін СНД (CIS Caucus), якое традыцыйна праводзіцца напярэдадні адкрыцця Сусветнага бібліятэчнага і інфармацыйнага кангрэса ІФЛА (World Library and Information Congress – WLIC).

Удзельнікаў асабіста віталі прэзідэнт ІФЛА Глорыя Перэс-Сальмерон і генеральны сакратар ІФЛА Джэральд Ляйтнер.

Мадэратарамі пасяджэння выступілі Раман Матульскі, дырэктар Нацыянальнай бібліятэкі Беларусі, Міхаіл Афанасьеў, дырэктар Дзяржаўнай публічнай гістарычнай бібліятэкі Расіі, прэзідэнт Расійскай бібліятэчнай асацыяцыі, Бакытжамал Каірбекаўна Аспанава, дырэктар Нацыянальнай бібліятэкі Рэспублікі Казахстан, Адзіба Імаш кызы Ісмаілава, намеснік дырэктара Нацыянальнай бібліятэкі Азербайджана.

На пасяджэнні асаблівае значэнне надалі супрацоўніцтву бібліятэк краін Садружнасці і неабходнасці рэалізацыі сумесных доўгатэрміновых праектаў па актуальных напрамках дзейнасці.

Аб сумесных праектах нацыянальных бібліятэк краін СНД да 75-годдзя Вялікай Перамогі расказала ў сваім выступе Алена Жабко, дырэктар па інфармацыйных рэсурсах Прэзідэнцкай бібліятэкі імя Б.М. Ельцына. З паведамленнем аб расійскім досведзе і новым этапе праекта ІФЛА “Бібліятэчная карта свету” выступіла Людміла Зайцава, намеснік дырэктара Дэпартамента дзяржаўных і прыярытэтных праектаў, начальнік аддзела зводнага планавання і справаздачнасці Расійскай дзяржаўнай бібліятэкі, старшыня секцыі па бібліятэчным менеджменце і маркетынгу Расійскай бібліятэчнай асацыяцыі (РБА).

З міжнароднымі праектамі Усерасійскай дзяржаўнай бібліятэкі замежнай літаратуры імя М.І. Рудаміно пазнаёміла прысутных Святлана Гарохава, дырэктар па міжнароднай і адукацыйнай дзейнасці бібліятэкі імя М.І. Рудаміно, член праўлення РБА. Старшыня камітэта па падтрымцы і развіццю кнігараспаўсюджвання Расійскага кніжнага саюза Дзяніс Котаў падвёў вынікі VIII Санкт-Пецярбургскага міжнароднага культурнага форуму.

Усяго ўдзел у CIS Caucus узялі больш за 100 дэлегатаў з краін СНД.

Матэрыял прадастаўлены аддзелам сувязей з грамадскасцю.

Навіны

Папулярызацыя рэсурсаў віртуальнай чытальнай залы НББ

30 Кас 2020

29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.

Навіны Нацыянальнай бібліятэкі Беларусі

“Бу!”: даведнік па дамах з прывідамі ў літаратуры

30 Кас 2020

Што можа быць больш прывабным і адначасова страшным для чытача, чым дамы з прывідамі? За апошнюю сотню гадоў мы сталі сведкамі мноства сумных гісторый, дзе галоўныя героі заключаюць здзелку стагоддзя і купляюць дом, у якім яны самі – нечаканыя госці. Мара ператвараецца ў кашмар, а родныя сцены больш не здаюцца бяспечнымі. Прадстаўляем вам даведнік па самай містычна небяспечнай нерухомасці ў літаратуры!

Аўтарскі погляд

30 кастрычніка – 115 гадоў з дня нараджэння народнага мастака Беларусі, выдатнага скульптара Андрэя Ануфрыевіча Бембеля (1905–1986)

30 Кас 2020

Імя мастака добра вядома не толькі знаўцам беларускага мастацтва ХХ стагоддзя, але і шматлікім гасцям нашай краіны. Бо сярод найбольш вядомых турыстычных аб’ектаў мемарыяльны комплекс “Брэсцкая крэпасць-герой”, Курган Славы, манумент Перамогі ў Мінску і многае іншае, аўтарам або суаўтарам стварэння якіх з’яўляўся Андрэй Бембель.

Па старонках беларускага календара

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

111