Маштабны праект “На хвалі часу, у плыні жыцця” працягвае сваю працу пасля летніх вакацый шэрагам мерапрыемстваў.
15 кастрычніка а 17-й гадзіне ў Дзяржаўным музеі гісторыі беларускай літаратуры адбудзецца вечарына “Чyжыx дyмaк нe пepaкaзвaў, cвae мeў”, прысвечаная 120-годдзю з дня нараджэння Адама Бабарэкі (14.10.1899 –10.10.1938), паэта, празаіка, літаратуразнаўца, крытыка, аднаго з арганізатараў літаратурных аб’яднанняў “Маладняк” і “Узвышша”.
Як і большасць пісьменнікаў-маладнякоўцаў, ён быў рэпрэсаваны, памёр ў лагернай бальніцы, некалькі дзён не дажыўшы да 40 гадоў. Пры жыцці аўтара выйшла толькі адна яго кніга – “Апавяданні” (1925, серыя “Кніжніца «Маладняка»”). Аднак пасля вяртання дакументаў на радзіму стала магчыма пазнаёміцца з ўсёй яго спадчынай – выдадзены Збор твораў у 2 тамах (2011, Вільня), падрыхтаваны дачкой пісьменніка Алесяй Бабарэка і даследчыкамі Ганнай Запартыка і Віктарам Жыбулем.
“Маладнякоўскі” Бялінскі – так называлі Адама Бабарэку ў 1920-я гады. Ён адным з пepшыx y айчыннай навуцы пaчaў pacпpaцoўвaць тэapэтычныя пытaнні эcтэтыкі, мeтaдaлoгіі літapaтypaзнaўcтвa, зacяpoджвaў yвaгy нa эcтэтычныx пoглядax піcьмeннікaў, пpaблeмax тaлeнтy і літapaтypнaгa мaйcтэpcтвa, кyльтypы твopчacці. Менавіта ён увёў ва ўжытак уласныя тэрміны – “адраджанізм” і “маладнякізм”.
Да 120-годдзя з дня нараджэння выдатнага літаратуразнаўца Нацыянальная бібліятэка Беларусі прэзентуе віртуальны раздзел “Адам Антонавіч Бабарэка”, які яшчэ ў верасні быў прадстаўлены грамадскасці на партале НББ у складзе праекта “На хвалі часу, у плыні жыцця”.
Сумесны праект “На хвалі часу, у плыні жыцця” Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва і часопіса “Маладосць” ладзіцца да 100-годдзя ўтварэння Усебеларускага літаратурнага аб’яднання паэтаў і пісьменнікаў “Маладняк”.
У вечарыне возьмуць удзел супрацоўнікі арганізацый, якія удзельнічаюць у праекце, – даследчыкі жыцця і творчасці Адама Бабарэкі. Падчас імпрэзы будуць экспанавацца фотаздымкі і кнігі з фондаў Дзяржаўнага музея гісторыі беларускай літаратуры і Нацыянальнай бібліятэкі.
Таксама да юбілею крытыка ладзіцца цыкл аўтарскіх лекцый, якія пройдуць у музеі (вул. М. Багдановіча, 13):
17 кастрычніка а 17-й – лекцыя празаіка, архівіста, даследчыцы Ганны Севярынец “Крытык і сусвет: Адам Бабарэка, літаратура і літаратары”;
23 кастрычніка а 17-й – лекцыя паэта і літаратуразнаўца Віктара Жыбуля “Генератар творчай думкі: творчы дыяпазон Адама Бабарэкі, адметнасці яго літаратурнай спадчыны”;
30 кастрычніка а 17-й – лекцыя паэта і літаратуразнаўца Віктара Жыбуля “Ад Узвышша да Уздалля: жыццё і дзейнасць Адама Бабарэкі ў выгнанні”.
Матэрыял прадастаўлены інфармацыйна-аналітычным аддзелам.