ГалоўнаяНавіныНавіны Нацыянальнай бібліятэкі Беларусі
Прэмію Наталлі Арсенневай уручаць 10 верасня
Візіт Сюй Юфань у Нацыянальную бібліятэку

Брэст. 1000 гадоў гісторыі ў дакументах і матэрыялах

Брэст. 1000 гадоў гісторыі ў дакументах і матэрыялах
Іншыя навіны

4 верасня напярэдадні святкавання юбілею аднаго з самых старажытных гарадоў Беларусі адбыўся рэспубліканскі круглы стол “Брэст. 1000 гадоў гісторыі ў дакументах і матэрыялах”, арганізаваны Брэсцкай абласной бібліятэкай імя М. Горкага. Мерапрыемства сабрала вядомых вучоных-гісторыкаў, краязнаўцаў, спецыялістаў бібліятэк, архіваў, музеяў.

Выступленні ўдзельнікаў круглага стала былі цікавымі і разнастайнымі, прадстаўляючымі як агульную карціну тысячагадовай гісторыі Брэста, так і яе асобныя старонкі. Частка паведамленняў была прысвечана багатай гісторыка-культурнай спадчыне горада. Сярод дакладчыкаў: А.М. Вабішчэвіч, А.А. Гладышчук, Д.В. Лісейчыкаў, А.У. Унучак, В.В. Мароз, І.М. Чайчыц, У.М. Губенка, Г.Г. Карапузава і іншыя аўтарытэтныя навукоўцы і краязнаўцы-аматары.

У мерапрыемстве прынялі ўдзел прадстаўнікі Нацыянальнай бібліятэкі Беларусі. Намеснік дырэктара па інфармацыйных рэсурсах Т.В. Кузьмініч прадставіла новы праект бібліятэкі, прысвечаны 1000-годдзю Брэста, у кантэксце віртуальнай рэканструкцыі дакументаў і матэрыялаў па рэгіянальнай гісторыі Беларусі. Загадчык навукова-даследчага аддзела бібліяграфіі І.У. Градоўкіна выступіла з паведамленнем “Брэсцкія выданні міжваеннага часу – гістарычныя сведкі эпохі”.

На круглым стале адбылася прэзентацыя электроннага мультымедыйнага выдання “1000-годдзе Брэста: праз прызму старадаўніх дакументаў”, якое Нацыянальная бібліятэка Беларусі падрыхтавала ў супрацоўніцтве з Брэсцкай абласной бібліятэкай і Нацыянальным гістарычным архівам Беларусі. Была праведзена цырымонія перадачы кампакт-дыска установам культуры Брэсцкай вобласці, а таксама гісторыкам і краязнаўцам – даследчыкам гісторыі Брэста.

Праграма круглага стала

Матэрыял прадастаўлены навукова-даследчым аддзелам бібліяграфіі.

Навіны

Непаўторная перадваенная вясна фельчара Сашы Траянавай і студэнта Пятра Шапетовіча

19 Кра 2024

16 красавіка для вучняў 9-10 класаў ДУА “Сярэдняя школа № 53 г. Мінска” прайшоў новы бібліяграфічны ўрок “Непаўторная вясна 1940” з цыкла заняткаў “Пастараемся ж і мы быць годнымі іх Вялікай Перамогі”, што рэалізуюцца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі г. Мінска.

Навіны Нацыянальнай бібліятэкі Беларусі

Студэнты МЛУ вывучалі рэсурсы і сэрвісы Нацыянальнай бібліятэкі Беларусі

22 Кра 2024

16 красавіка ў рамках двухбаковага супрацоўніцтва адбыліся трэнінг і прэзентацыя інфармацыйных рэсурсаў і сэрвісаў Нацыянальнай бібліятэкі Беларусі для дзвюх зборных груп студэнтаў розных спецыяльнасцей Мінскага дзяржаўнага лінгвістычнага ўніверсітэта.

Навіны Нацыянальнай бібліятэкі Беларусі

Гімназістам і школьнікам аб маленькіх і дарослых салдатах Вялікай Айчыннай вайны

18 Кра 2024

15 красавіка для навучэнцаў 5–6-х і 9-х класаў сярэдніх школ №№ 24, 153 і гімназіі № 11 г. Мінска прайшлі бібліяграфічныя ўрокі “Брэсцкая крэпасць-герой” (5–6 кл.), “Даведачная літаратура пра Герояў Вялікай Айчыннай вайны” (9 кл.) з цыкла заняткаў “Пастараемся ж і мы быць годнымі іх Вялікай Перамогі”, які рэалізуецца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі г. Мінска.

Навіны Нацыянальнай бібліятэкі Беларусі

Пазнавайце Беларусь разам з намі: Пінск і цюльпанавыя палі

22 Кра 2024

Работнікі Нацыянальнай бібліятэкі Беларусі наведалі адзін з самых старажытных гарадоў Беларусі – Пінск, які з’яўляецца другім па колькасці захаваных помнікаў архітэктуры ў Беларусі.

Навіны Нацыянальнай бібліятэкі Беларусі

Інтэлектуальная ўласнасць: XXI стагоддзе

23 Кра 2024

З 23 красавіка па 28 мая ў зале дакументаў міжнародных арганізацый (пам. 207g) адкрыта тэматычная кніжная выстава “Інтэлектуальная ўласнасць: XXI стагоддзе”, прысвечаная Міжнароднаму дню інтэлектуальнай уласнасці.

Кніжныя выстаўкі

22–28 красавіка 1944 года. 19 тыдняў да вызвалення

23 Кра 2024

Вялікай Айчыннай вайне прысвячаецца новы праект Нацыянальнай бібліятэкі Беларусі – “Газетныя радкі чытаючы сэрцам. Да 80-годдзя вызвалення Беларусі ад нямецка-фашысцкіх захопнікаў”. Штотыдзень са студзеня па жнівень 2024 года на партале Нацыянальнай бібліятэкі публікуюцца матэрыялы з газет Савецкай Беларусі 1944 года, якія адлюстроўваюць хроніку навін і падзей таго часу.

Праект “Газетныя радкі чытаючы сэрцам. Да 80-годдзя вызвалення Беларусі ад нямецка-фашысцкіх захопнікаў”

Бібліятэкарам