10 чэрвеня а 16-й гадзіне ў галерэі “Лабірынт” (3-ці паверх) ладзіцца адкрыццё выстаўкі “Божы дар Івана Кандрацьева”, прысвечанай 165-годдзю з дня нараджэння паэта, пісьменніка, мастака і краязнаўца.
Дадзеная выстаўка – яшчэ адзін крок да вяртання з небыцця паўзабытага імя слаўнага сына зямлі беларускай. У экспазіцыі прадстаўлены рэдкія для Беларусі прыжыццёвыя мастацкія і краязнаўчыя работы Івана Кандрацьева, іх сучасныя перавыданні, артыкулы і інш. На мерапрыемстве прагучаць песні і рамансы на словы паэта, выступяць даследчыкі яго шматграннай творчасці.
Знакаміты беларускі паэт, пісьменнік, драматург, гісторык і мастацтвазнаўца Іван Кандрацьеў пакінуў на дзіва багатую спадчыну. З прадстаўніком беларуска-рускай культурнай прасторы сябравалі А.К. Саўрасаў, І.І. Левітан, А.П. Чэхаў і інш. Яго творы не раз выдаваліся вялікімі тыражамі. Вершы, раманы, паэмы друкавалі аўтарытэтныя перыядычныя выданні Вільні і Масквы.
Тэлефон для даведак: (8 017) 293 27 56.
Е-mail: pr@nlb.by