ГалоўнаяНавіныНавіны Нацыянальнай бібліятэкі Беларусі
Адкрыты доступ да электронных рэсурсаў выдавецтва Elsevier па змяненні клімату
Заручоны з Беларуссю

Бібліятэкі – неад’емная частка гарадской прасторы: вопыт бібліятэк Капенгагена

Бібліятэкі – неад’емная частка гарадской прасторы: вопыт бібліятэк Капенгагена
Іншыя навіны

З 13 па 15 жніўня супрацоўнікі Нацыянальнай бібліятэкі Беларусі наведалі вядучыя бібліятэкі Капенгагена (Каралеўства Данія).

Мэтай паездкі стала азнаямленне з перспектыўнымі напрамкамі развіцця бібліятэк Даніі, абмен думкамі і вынікамі навукова-практычных дасягненняў у галіне бібліятэчна-інфармацыйнай і сацыякультурнай дзейнасці, развіццё міжнародных кантактаў.

Дэлегацыя “алмаза ведаў” у складзе Алены Далгаполавай, першага намесніка дырэктара па абслугоўванні карыстальнікаў і ідэалогіі, Аляксандра Сушы, намесніка дырэктара па навуковай рабоце і выдавецкай дзейнасці, Радмілы Букач, начальніка сацыякультурнага цэнтра, Святланы Краўцовай, загадчыцы аддзела сувязей з грамадскасцю, Марыны Вальчак, загадчыцы сектара міжнародных сувязей, азнаёмілася з вопытам працы Каралеўскай бібліятэкі Даніі, Універсітэцкай і Цэнтральнай бібліятэк Капенгагена.

Куратар візіту ў Каралеўскую бібліятэку Даніі Андэрс Тофтгард, старшы навуковы супрацоўнік аддзела спецыяльных калекцый, правёў займальную экскурсію па будынку бібліятэкі, расказаўшы пра гісторыю яе стварэння і дзейнасць на сучасным этапе. Асноўныя задачы Каралеўскай бібліятэкі сёння – захаванне і папулярызацыя нацыянальнай культурнай спадчыны і правядзенне даследаванняў.

Гэта самая буйная бібліятэка ў скандынаўскіх краінах. У фондзе бібліятэкі захоўваюцца ўсе творы, якія былі надрукаваны на дацкай мове, пачынаючы з XV стагоддзя. У сяміпавярховым будынку “чорнага брыльянта”, які атрымаў такую назву за архітэктурны профіль, дзейнічаюць чатыры чытальныя залы, канцэртная і канферэнц-залы, выставачныя галерэі, кнігарня, кавярня і рэстаран. Каралеўская бібліятэка адкрыта для свабоднага наведвання.

Падчас сустрэчы з генеральным дырэктарам Каралеўскай бібліятэкі Свенам Ларсенам беларуская дэлегацыя прэзентавала праект, прысвечаны 400-гадоваму юбілею першага ў свеце выдання пад назвай “Буквар”, які захаваўся ў свеце ўсяго ў двух экзэмплярах. Адзін з іх, поўны, знаходзіцца ў Вялікабрытаніі, у закрытай для шырокай публікі прыватнай бібліятэцы Мідл Тэмпл. Менавіта з яго была зробленая лічбавая копія, якая стала асновай для факсіміле. Другі экзэмпляр захоўваецца ў Каралеўскай бібліятэцы Даніі, яго лічбавая копія раней таксама была перададзена нашаму “алмазу ведаў”. Факсімільнае выданне папоўніла фонд Каралеўскай бібліятэкі Даніі.

Непазбыўнае ўражанне зрабіла наведванне новага будынка бібліятэкі ва ўніверсітэцкім кампусе ў Амагеры. Новы будынак быў адкрыты ў 2006 годзе. Гэта прыбудова да ўжо існуючага будынка, дзе размясцілася бібліятэка па гуманітарных навуках. Дырэктар універсітэцкага аддзялення Каралеўскай бібліятэкі Даніі Ханс Крысціян Мікельсан правёў прэзентацыю, расказаўшы пра новыя задачы, якія паўсталі перад установай пасля ўваходжання ў 2018 годзе ў структуру Каралеўскай бібліятэкі, і мадэрнізацыі дзейнасці бібліятэк.

Трэцім пунктам праграмы стала наведванне Цэнтральнай публічнай бібліятэкі Капенгагена. Па словах старшага кансультанта публічнай бібліятэкі Мікеля Крыстоферсана, у сучасных умовах неабходна данесці паслугі бібліятэк непасрэдна да саміх жыхароў, туды, дзе яны знаходзяцца, і прапанаваць бібліятэчную прастору не як кнігасховішча, а як лагічны працяг культурнага жыцця горада. Для Цэнтральнай публічнай бібліятэкі першараднае значэнне мае тое, што жыхары заўсёды могуць наведваць адкрытыя мерапрыемствы, у бібліятэцы для кожнага ёсць прастора, дзе ён можа пазнаёміцца з культурай і сустрэцца з аднадумцамі, далучыцца да лекцыі ці семінару. Цэнтральная публічная бібліятэка Капенгагена з’яўляецца адной з самых наведвальных устаноў культуры ў горадзе. Штогод у яе прыходзіць каля 840 000 чалавек.

Візіт беларускай дэлегацыі ў Данію адбыўся пры падтрымцы праекта MOST (Mobility Scheme for Targeted People-to-People-Contacts / Праграма мабільнасці для мэтанакіраваных міжасобасных кантактаў), накіраванага на пашырэнне кантактаў паміж грамадзянамі Еўрапейскага саюза і Беларусі з мэтай абмену перадавым вопытам і паляпшэння ўзаемаразумення.

Выказваем падзяку кіраўніцтву і каардынатарам праграмы мабільнасці MOST за прадастаўленую магчымасць развіцця прафесійных кантактаў.

Матэрыял прадастаўлены аддзелам сувязей з грамадскасцю.

Навіны

Папулярызацыя рэсурсаў віртуальнай чытальнай залы НББ

30 Кас 2020

29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.

Навіны Нацыянальнай бібліятэкі Беларусі

“Бу!”: даведнік па дамах з прывідамі ў літаратуры

30 Кас 2020

Што можа быць больш прывабным і адначасова страшным для чытача, чым дамы з прывідамі? За апошнюю сотню гадоў мы сталі сведкамі мноства сумных гісторый, дзе галоўныя героі заключаюць здзелку стагоддзя і купляюць дом, у якім яны самі – нечаканыя госці. Мара ператвараецца ў кашмар, а родныя сцены больш не здаюцца бяспечнымі. Прадстаўляем вам даведнік па самай містычна небяспечнай нерухомасці ў літаратуры!

Аўтарскі погляд

30 кастрычніка – 115 гадоў з дня нараджэння народнага мастака Беларусі, выдатнага скульптара Андрэя Ануфрыевіча Бембеля (1905–1986)

30 Кас 2020

Імя мастака добра вядома не толькі знаўцам беларускага мастацтва ХХ стагоддзя, але і шматлікім гасцям нашай краіны. Бо сярод найбольш вядомых турыстычных аб’ектаў мемарыяльны комплекс “Брэсцкая крэпасць-герой”, Курган Славы, манумент Перамогі ў Мінску і многае іншае, аўтарам або суаўтарам стварэння якіх з’яўляўся Андрэй Бембель.

Па старонках беларускага календара

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

111