5–6 сакавіка дырэктар Нацыянальнай бібліятэкі Беларусі Раман Матульскі ў рамках дабрачыннай акцыі “Чытанне – прастора інфармацыі і ведаў” перадаў пяці бібліятэкам Гомельскай вобласці каля 900 выданняў.
Фонды Гомельскай абласной універсальнай бібліятэкі імя У.І. Леніна, Цэнтралізаванай бібліятэчнай сеткі Гомельскага і Петрыкаўскага раёнаў, сеткі публічных бібліятэк г. Гомеля папоўніліся творамі класікаў сусветнай мастацкай літаратуры, сучасных аўтараў, дзіцячых пісьменнікаў, даведачнымі і энцыклапедычнымі выданнямі, навукова-папулярнай і вучэбна-метадычнай літаратурай.
Гэтыя выданні сабраны Нацыянальнай бібліятэкай Беларусі пры актыўным удзеле выдавецтва “Пачатковая школа”, кнігагандлёвых арганізацый “БукЛайнГруп”, “БелтаймКніга”, “МобилБук”, Мінскага гарадскога інстытута развіцця адукацыі і іншых арганізацый.
Запрашаем усіх неабыякавых далучыцца да дабрачыннай акцыі, каб аб'яднаць намаганні і ўнесці свой уклад у выхаванне любові да кнігі і чытання, пашырэнне ведаў і павышэнне інтэлектуальнага патэнцыялу маладога пакалення.
Кантакты:
Пераверзева Юлія Аляксандраўна,
заг. аддзела камплектавання фондаў,
Жукоўская Марыяна Вітальеўна,
заг. сектара ўнутрырэспубліканскага дакументаабмену і пераразмеркавання.
Адрас: 220114, г. Мінск, пр. Незалежнасці, 116.
Тэлефоны: (8 017) 293 25 20, 293 25 83.
E-mail: pereverzeva@nlb.by, jukovskaya@nlb.by
Матэрыял прадастаўлены аддзелам кампектавання фондаў.
