ГалоўнаяНавіныНавіны Нацыянальнай бібліятэкі Беларусі
І болей, і болей уважліва
Пасяджэнне Савета бібліятэк Беларусі па інфармацыйным узаемадзеянні

Бібліятэка як феномен культуры: падводзім вынікі кангрэса

Бібліятэка як феномен культуры: падводзім вынікі кангрэса
Іншыя навіны

17 кастрычніка скончыўся VI Міжнародны кангрэс “Бібліятэка як феномен культуры”.

Галоўная тэма гэтага года – “Паслугі і сэрвісы бібліятэк у сучаснай інфармацыйнай прасторы” – сёння асабліва актуальная. Дэлегаты абмеркавалі тэхналогіі воблачных вылічэнняў, інавацыйныя падыходы да арганізацыі абслугоўвання карыстальнікаў, ролю бібліятэк у сучаснай інфармацыйнай інфраструктуры грамадства і многія іншыя пытанні.

Заяўку на ўдзел у кангрэсе падалі каля чатырохсот чалавек з Беларусі, Германіі, Казахстана, Кыргызстана, Польшчы, Расіі, Украіны. Гэта вядучыя спецыялісты бібліятэк, навукова-даследчых арганізацый, адукацыйных устаноў, распрацоўшчыкі і вытворцы праграмнага забеспячэння, тэхнічных сродкаў і інфармацыйнай прадукцыі.

Актыўна праявілі сябе супрацоўнікі Нацыянальнай бібліятэкі Беларусі – з дакладамі выступіла больш за трыццаць чалавек. Яны падзяліліся вопытам, назапашаным за час працы ў галоўным кнігасховішчы краіны, расказалі пра рэалізаваныя праекты, адзначылі тэндэнцыі ў бібліятэчнай сферы.

Праграма кангрэса складалася з 5 секцый: “Электронныя бібліятэкі і рэсурсы ў бібліятэчна-інфармацыйнай прасторы”, “Інфармацыйнае забеспячэнне навуковых даследаванняў і адукацыйнага працэсу”, “Інфармацыйна-камунікацыйныя тэхналогіі ў абслугоўванні карыстальнікаў”, “Бібліятэка як забаўляльная прастора”, “Знешняе асяроддзе бібліятэкі: фарматы ўзаемадзеяння”.

У першы дзень працы кангрэса прайшло пасяджэнне Савета бібліятэк Беларусі па інфармацыйным узаемадзеянні. На шэраг пытанняў па рэалізацыі карпаратыўных праектаў адказы шукалі кіраўнікі рэспубліканскіх навуковых, абласных бібліятэк, а таксама бібліятэк вядучых устаноў вышэйшай адукацыі.

У праграму другога дня ўвайшоў семінар “Узаемадзеянне царкоўнай і дзяржаўнай бібліятэчных сістэм”. Яго ўдзельнікі абмеркавалі фонды рэдкіх кніг у царкоўных бібліятэках, зводны электронны каталог Беларускага экзархата, фарматы супрацоўніцтва свецкіх і царкоўных бібліятэк і многае іншае.

На працягу двух дзён госці маглі азнаёміцца з выставай “Паслугі і рэсурсы бібліятэк у электронным асяроддзі”. Да ўдзелу ў ёй былі запрошаны спецыялісты бібліятэк, музеяў, архіваў, навукова-даследчых арганізацый, устаноў адукацыі, прадстаўнікі заканадаўчай сферы, распрацоўшчыкі і вытворцы праграмнага забеспячэння, тэхнічных сродкаў і інфармацыйнай прадукцыі.

Пасля заканчэння мерапрыемства маскоўскія выдавецтвы “Белый город”, “Даръ” і “Международные отношения” перадалі ў фонд Нацыянальнай бібліятэкі кнігі па мастацтве, палітыцы, гісторыі, праве, а таксама дзіцячую літаратуру.

Прыемным бонусам для ўдзельнікаў кангрэса стала магчымасць наведаць выставачны праект “Лялечныя гісторыі” і даведацца больш пра гісторыю вырабу цацак, разгледзець сваіх любімых персанажаў з дзяцінства, палюбавацца работамі таленавітых мастакоў-ілюстратараў і многае іншае.

Часткай культурнай праграмы кангрэса была аглядная экскурсія па будынку Нацыянальнай бібліятэкі. Госці наведалі чытальныя залы, галерэі, музей кнігі і аглядную пляцоўку.

Надоўга застанецца ў памяці канцэртная праграма кангрэса: кранальнае выступленне спевака, кампазітара, экс-удзельніка ВІА “Песняры” Аляксандра Віслаўскага, а таксама таленавітая гульня артыстаў творчага калектыву пад кіраўніцтвам Паўла Харланчука, якія паказалі сцэну з п’есы “Біблія князя Радзівіла”.

Арганізатарамі кангрэса выступілі Міністэрства культуры Рэспублікі Беларусь і Нацыянальная бібліятэка Беларусі.

Выказваем падзяку нашым партнёрам – Міждзяржаўнаму фонду гуманітарнага супрацоўніцтва дзяржаў – удзельніц СНД, Польскаму Інстытуту і Інстытуту імя Гётэ ў Мінску.

Матэрыял прадастаўлены аддзелам сувязей з грамадскасцю.

Чытайце таксама, як прайшло адкрыццё VI Міжнароднага кангрэса "Бібліятэка як феномен культуры», і глядзіце пра яго ў тэлерэпартажы АНТ і нашым фотарэпартажы:

Навіны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

Бібліятэкарам
111