21 кастрычніка ў Нацыянальнай бібліятэцы Беларусі пачаў працу VIII Міжнародны кангрэс “Бібліятэка як феномен культуры”. Тэма гэтага года: “Бібліятэкі ва ўмовах пандэміі: новыя магчымасці, новыя рашэнні”.
Міжнародны кангрэс сабраў у сценах бібліятэкі больш за 300 дэлегатаў з Беларусі, Балгарыі, Германіі, Расіі, Украіны. Гэта вядучыя спецыялісты бібліятэк, архіваў, музеяў, выдавецтваў, адукацыйных, навукова-даследчых устаноў і арганізацый, прадстаўнікі заканадаўчай і выканаўчай улады, вытворцы праграмнага забеспячэння, тэхнічных сродкаў, інфармацыйнай прадукцыі і прамысловага абсталявання для бібліятэк.
З прывітальнымі словамі і пажаданнямі плённай працы да ўдзельнікаў кангрэса звярнуўся міністр культуры Рэспублікі Беларусь Анатоль Маркевіч, генеральны дырэктар Нацыянальнага цэнтра інтэлектуальнай уласнасці Рэспублікі Беларусь Уладзімір Рабаволаў. Адкрыла мерапрыемства генеральны дырэктар Нацыянальнай бібліятэкі Беларусі Аксана Кніжнікава.
Пачала працу выстава выдавецкай прадукцыі, электронных рэсурсаў і сэрвісаў.
Глядзіце анлайн з 14.00 да 17.00 трансляцыю секцыі 1 “Актуальныя рашэнні для бібліятэк у кантэксце новых выклікаў і задач”.
Матэрыял пададзены аддзелам сувязей з грамадскасцю.
