Запрашаем юных наведвальнікаў убачыць галоўную бібліятэку краіны знутры, дазнацца пра яе ўнікальны кніжны фонд і дакрануцца да сапраўдых кніжных рарытэтаў.
18 верасня вучні 7-га класа гімназіі № 22 г. Мінска наведалі бібліятэку і не пераставалі здзіўляцца. На кожным кроку бібліятэчнай прасторы шмат цікавага: 500-кілаграмовы зубр Алеф з друкарскага абсталявання, фантаны, шкляная падлога, дагледжаныя кветкі, электронны каталог і картатэкі, галерэі і творы мастацтва. Найбольш уражлівае – кнігі, таму што кожная мае сваю цікавую гісторыю і мастацкае аздабленне. Наведвальнікі мелі магчымасць пазнаёміцца з асноўнымі этапамі гісторыі кніжнай культуры, асаблівасцямі стварэння і функцыянавання рукапіснай і друкаванай кнігі.
Запрашаем школьнікаў на заняткі ў межах праекта “У госці да кніг”.
Матэрыял пададзены навукова-даследчым аддзелам кнігазнаўства.