Нацыянальная бібліятэка Беларусі прызнана пераможцай сярод арганізацый сферы паслуг, якія ажыццяўляюць дзейнасць у галіне культуры, па арганізацыі адпачынку і вольнага часу.
Гэта рашэнне зацверджана Указам Прэзідэнта Рэспублікі Беларусь № 225 ад 15 чэрвеня 2016 года “Аб унясенні на Рэспубліканскую дошку гонару пераможцаў спаборніцтваў за 2011–2015 гады і 2015 год”.
Занясенне на Рэспубліканскую дошку гонару з’яўляецца грамадскім прызнаннем работы супрацоўнікаў бібліятэкі, узнагародай за высокія дасягненні і велізарны ўклад у захаванне культурных каштоўнасцей дзяржавы і развіццё культурна-дасугавай дзейнасці. У адпаведнасці з Указам, Рэспубліканская дошка гонару будзе абноўлена да 21 чэрвеня 2016 года.
Віншуем калектыў Нацыянальнай бібліятэкі Беларусі!
У гэтай перамозе ёсць заслуга кожнага з нас!
