ГалоўнаяНавіныНавіны Нацыянальнай бібліятэкі Беларусі
Кніга Анемпадыстава ўзнагароджана на Нацыянальным конкурсе “Мастацтва кнігі”
“Кніжная спадчына Францыска Скарыны” цяпер і ў фондах Александрыйскай бібліятэкі

Бібліятэка на ХХVI ММКВК: падводзім вынікі

Бібліятэка на ХХVI ММКВК: падводзім вынікі
Іншыя навіны

6–10 лютага Нацыянальная бібліятэка Беларусі прымала ўдзел у ХХVI Мінскай міжнароднай кніжнай выстаўцы-кірмашы.

Самы маштабны беларускі кніжны фестываль – традыцыйная падзея для Нацыянальнай бібліятэкі. Сёлета супрацоўнікі “алмаза ведаў” правялі шэраг мерапрыемстваў, на якіх знаёмілі публіку з вынікамі работы нашага калектыву. У спісе праектаў:

На прэзентацыях выданняў і вэб-сайта супрацоўнікі бібліятэкі пазнаёмілі публіку з прадстаўленым масівам інфармацыі і прапанавалі варыянты практычнага прымянення новых рэсурсаў.

Ажыятаж ля стэнда Нацыянальнай бібліятэкі Беларусі не сціхаў на працягу ўсяго кніжнага фестывалю. На выстаўцы “Беларускі буквар: чатыры стагоддзі гісторыі” наведвальнікі змаглі акунуцца ў цёплыя ўспаміны з дзяцінства, а таксама даведацца, як выглядала першая кніга ў жыцці кожнага чалавека ў розныя эпохі.

Нашы спецыялісты прынялі актыўны ўдзел у мерапрыемствах і на іншых стэндах. На пляцоўцы Беларускай бібліятэчнай асацыяцыі публіцы распавялі аб праектнай дзейнасці бібліятэк на прыкладзе міжнароднай выстаўкі “Беларусь і Біблія”, якая з поспехам прайшла ў галоўным кнігасховішчы краіны. На дзіцячай пляцоўцы сумесна з супрацоўнікамі часопіса “Вясёлка” для маленькіх гасцей выстаўкі правялі інтэрактыўную гульню, падчас якой юных эрудытаў пазнаёмілі з захапляльнай гісторыяй беларускіх буквароў.

Асабліва прыемная падзея для любой бібліятэкі – папаўненне калекцыі дакументаў. На міжнароднай выстаўцы-кірмашы рэдкія выданні і рукапісы з уласнай калекцыі ў фонд “алмаза ведаў” перадаў вядомы гісторык і калекцыянер Уладзімір Ліхадзедаў. На працягу ўсяго фестывалю кнігі, часопісы і архіўныя матэрыялы дэманстраваліся на стэндзе Міністэрства інфармацыі Рэспублікі Беларусь у экспазіцыі “У пошуках страчанага”.

Нацыянальная бібліятэка стала адной з пляцовак міжнароднай выстаўкі-кірмашу. У “алмазе ведаў” выступілі артысты прадзюсарскага цэнтра “KS prodaction” Карыны Сарсенавай, прайшла прэзентацыя кнігі “Анталогія сучаснай азербайджанскай літаратуры. Паэзія”.

Вялікай радасцю для калектыву бібліятэкі стала перамога ў LVIII Нацыянальным конкурсе “Мастацтва кнігі”. Заслужанай узнагародай за факсімільнае перавыданне 400-гадовага “Буквара” стаў спецыяльны дыплом і памятны знак-сімвал “Малы залаты фаліянт”.

За актыўны ўдзел і цікавую экспазіцыю Нацыянальная бібліятэка Беларусі была ўзнагароджана дыпломам ХХVI Мінскай міжнароднай кніжнай выстаўкі-кірмашу.

Матэрыял прадастаўлены аддзелам сувязей з грамадскасцю.

Глядзіце таксама нашу падборку фатаграфий, відэасюжэт тэлеканала tvr.by "В рамках книжной выставки определили победителей в 14 номинациях конкурса "Искусство книги" і рэпартаж АНТ:

Чытайце таксама:

Навіны

Вэбінар па тэхналагічных пытаннях каталагізацыі ў РЗЭК

17 Чэр 2021

16 чэрвеня ў Нацыянальнай бібліятэцы прайшоў вэбінар, прысвечаны тэхналагічным пытанням каталагізацыі ў рэгіянальных зводных электронных каталогах (РЗЭК) бібліятэк Беларусі.

Навіны Нацыянальнай бібліятэкі Беларусі

Бібліятэкам Гродзеншчыны: электронныя інфармацыйныя рэсурсы віртуальнай чытальнай залы

17 Чэр 2021

17 чэрвеня ў бібліятэцы прайшоў анлайн-семінар, арганізаваны для супрацоўнікаў публічных бібліятэк Гродзенскай вобласці. Нашым калегам быў прадстаўлены рад ліцэнзійных электронных рэсурсаў, прапанаваных для інфармацыйна-бібліятэчнага абслугоўвання розных катэгорый карыстальнікаў.

Навіны Нацыянальнай бібліятэкі Беларусі

Незабыўнае: адкрылася выстава, прымеркаваная да 80-й гадавіны пачатку Вялікай Айчыннай вайны

17 Чэр 2021

17 чэрвеня ў Нацыянальнай бібліятэцы Беларусі адбылося ўрачыстае адкрыццё выставы “Незабыўнае: спектаклі і фільмы пра вайну”, прысвечанай 80-годдзю пачатку Вялікай Айчыннай вайны.

Мастацкія выстаўкі

Выязная экскурсія да Дня ўсенароднай памяці ахвяр Вялікай  Айчыннай вайны

17 Чэр 2021

Напярэдадні трагічнай даты пачатку Вялікай Айчыннай вайны  супрацоўнікі аддзела экскурсійна-метадычнай работы правялі для выхаванцаў аздараўленчага лагера “Брыганціна” шэраг выязных віртуальных экскурсій з цыкла “Славутыя імёны Бацькаўшчыны” па тэме “Помнім боль і страты  твае, Беларусь…”.

Навіны Нацыянальнай бібліятэкі Беларусі

19 Чэр 2021

У выдавецтве “Мастацкая літаратура” неўзабаве пабачыць свет кніга “Максім Багдановіч” з серыі ЖЗЛБ, у якой “год за годам праз успаміны, лісты, дакументы, цытаты з даследванняў, невядомыя творы раскрываецца жыццё геніяльнага паэта”. Выданне прымеркавана да 130-годдзя з дня нараджэння класіка.

Навіны бібліятэк

Новы нарматыўны дакумент для бібліятэк Беларусі

17 Чэр 2021

“Палажэнне аб краязнаўчай дзейнасці бібліятэк Рэспублікі Беларусь” прынята на VІ Форуме бібліятэкараў Беларусі (27‒28 мая 2021 г.). Дакумент падрыхтаваны супрацоўнікамі навукова-даследчага аддзела бібліяграфіі Нацыянальнай бібліятэкі Беларусі, шырока абмеркаваны з рэгіянальнымі бібліятэкамі краіны і адобраны Саветам бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Бібліятэкарам
111