З 25 па 27 лістапада 2008 года ў Бібліятэцы гісторыі рускай філасофіі “Дом А.Ф. Лосева” (г. Масква) адбылася Міжнародная канферэнцыя “Бібліятэка, кніга, чытанне ў сучасным соцыуме: філасофскія аспекты”.
Арганізатарамі мерапрыемства выступілі Міністэрства культуры Расійскай Федэрацыі, Акадэмія інавацыйных праграм у сферы культуры і мастацтва, Упраўленне культуры Цэнтральнага адміністрацыйнага округа г. Масквы, Бібліятэка гісторыі рускай філасофіі і культуры «Дом А.Ф. Лосева» , Расійская бібліятэчная асацыяцыя.
Нацыянальную бібліятэку Беларусі прадставіла загадчык сектара навукова-арганізацыйнага забеспячэння бібліятэчнай дзейнасці НДО бібліятэказнаўства Замаева Н.М., якая выступіла з дакладам “Бібліятэка як сацыяльны інстытут у прававой прасторы”.
На канферэнцыі абмяркоўваліся праблемы ролі бібліятэкі, кнігі і чытання ў эканамічным, культурным і тэхналагічным прагрэсе грамадства, а таксама ў сацыялізацыі і творчым развіцці асобы. Было адзначана, што эпоха электроннай культуры змяняе традыцыйныя стэрэатыпы адносін паміж бібліятэкай і грамадствам, узнімае праблему яе месца і ролі ў інфармацыйнай прасторы. У гэтым кантэксце абмяркоўвалася пытанне “бібліятэка будучыні”, яе функцыі ў стагоддзе тэлекамунікацыйных тэхналогій.
 |
 |
 |
| Т.Я. Кузняцова, заг. кафедры бібліятэказнаўства і інфарматыкі АПРМКТ, кандыдат педагагічных навук, кіраўнік праекта «Міжнародная бібліятэчная філасофская школа» |
Чытальная зала бібліятэки |
Рабочае месца карыстальніка |
