У рамках XXVII Мінскай міжнароднай кніжнай выстаўкі-кірмашу прайшла цырымонія ўзнагароджання пераможцаў нацыянальнага конкурсу “Мастацтва кнігі”.
Ганаровы знак-сімвал “Залаты фаліянт” і дыплом пераможцы ў намінацыі “За ўклад у захаванне духоўнай спадчыны” ўручаны Нацыянальнай бібліятэцы Беларусі за выданне “Берасцейская Біблія. 1563”.
Нацыянальны конкурс “Мастацтва кнігі” праходзіць штогод. Прафесіяналы ў галіне стварэння кнігі, яе мастацкага афармлення і дызайну вызначаюць лепшыя выдавецкія праекты за мінулы год. Арганізатар конкурсу – Міністэрства інфармацыі Рэспублікі Беларусь.
Матэрыял прадастаўлены аддзелам сувязей з грамадскасцю.
