1 верасня ў рамках Дня беларускага пісьменства ў Слоніме адбылася ўрачыстая цырымонія ўзнагароджання пераможцаў XXVII Рэспубліканскага конкурсу “Бібліятэка – асяродак нацыянальнай культуры”.
Наталля Карчэўская, першы намеснік міністра культуры Рэспублікі Беларусь, старшыня журы конкурсу павітала ўдзельнікаў мерапрыемства.
Госці Дня беларускага пісьменства маглі пазнаёміцца з конкурснымі працамі-прызёрамі на выстаўцы “Пераможцы XXVII Рэспубліканскага конкурсу «Бібліятэка – асяродак нацыянальнай культуры”».
Выдатным падарункам для ўдзельнікаў урачыстасці сталі музычныя нумары ў выкананні беларускага дзяржаўнага ансамбля “Песняры”.
Конкурс праводзіцца штогод сярод публічных бібліятэк Беларусі з мэтай павышэння ролі бібліятэк у фарміраванні нацыянальнай самасвядомасці насельніцтва, папулярызацыі нацыянальнай культуры, гісторыі, літаратуры, мовы, народных промыслаў, а таксама падтрымкі і развіцця чытання.
Матэрыял прадастаўлены навукова-даследчым аддзелам бібліятэказнаўства.
