25 красавіка адбылося ўрачыстае адкрыццё міжнароднай канферэнцыі, прысвечанай 20-годдзю з дня заснавання прафесійнага грамадскага аб'яднання “Беларуская бібліятэчная асацыяцыя”.
У рабоце канферэнцыі “Бібліятэчная супольнасць Беларусі: сучасны стан і перспектывы развіцця”, якая прайшла ў Нацыянальнай бібліятэцы Беларусі, узялі ўдзел прадстаўнікі Міністэрства культуры Рэспублікі Беларусь, Палаты прадстаўнікоў Нацыянальнага сходу Рэспублікі Беларусь, а таксама звыш 400 прадстаўнікоў бібліятэк і іншых устаноў і арганізацый Беларусі, спецыялісты бібліятэчнай справы з замежных краін.
На канферэнцыі падведзены вынікі дзейнасці грамадскага аб’яднання “Беларуская бібліятэчная асацыяцыя” за 1992–2012 гг., вызначаны прыярытэты развіцця на найбліжэйшую перспектыву. Удзельнікі канферэнцыі пазнаёміліся з вопытам працы бібліятэчных асацыяцый бліжэйшых суседзяў – Расійскай Федэрацыі і Украіны. У рамках канферэнцыі адбылося ўрачыстае падпісанне пагадненняў аб супрацоўніцтве з гэтымі асацыяцыямі.