ГалоўнаяНавіныНавіны Нацыянальнай бібліятэкі Беларусі
Вось і лета да нас прыйшло!
Славянскі "Апостал"

Бібліятэчная крэатыўная лабараторыя для новых спецыялістаў

Бібліятэчная крэатыўная лабараторыя для новых спецыялістаў
Іншыя навіны

23–25 мая ў Калінінградзе прайшла міжнародная Бібліятэчная крэатыўная лабараторыя для новых спецыялістаў (IFLAcamp Library creative Laboratory).


Афіцыйныя арганізатары мерапрыемства – Калінінградская цэнтралізаваная бібліятэчная сістэма і спецыяльная група ІФЛА па інтарэсах “Новыя прафесіяналы” (IFLA New Professionals Special Interest group).

Галоўная мэта – ажыццяўленне магчымасцей для абмену вопытам і наладжвання сувязей паміж бібліятэкарамі краін Еўропы, вызначальныя тэмы – “Матывацыя супрацоўнікаў” і “Матывацыя да чытання”.

Удзельнікамі форуму сталі звыш 20 маладых бібліятэчных спецыялістаў з 11 краін. Акрамя таго, на мерапрыемствах прысутнічала вялікая колькасць бібліятэкараў Калінінграда і вобласці. Бібліятэчную супольнасць нашай краіны прадстаўляла галоўны бібліёграф аддзела фарміравання электроннай бібліятэкі Нацыянальнай бібліятэкі Беларусі Настасся Жарская.

У першы дзень адбылася канферэнцыя, пад час якой прайшлі выступленні, прысвечаныя міжнароднаму праекту “Бібліятэчная крэатыўная лабараторыя для новых спецыялістаў”, дзейнасці спецыяльнай групы ІФЛА па інтарэсах “Новыя прафесіяналы”, планам Калінінградскай бібліятэчнай асацыяцыі і працы секцыі “Новыя прафесіяналы” Бібліятэчнай асацыяцыі Латвіі. Вельмі зацікавілі прысутных паведамленні пра магчымасць наладжвання і выкарыстання сацыяльных сетак для абмену ведамі, ідэямі паміж маладымі спецыялістамі; самаматывацыю бібліятэчных супрацоўнікаў (па выніках праведзенага ў шведскіх сацыяльных сетках апытання), пілотны праект Стакгольмскай гарадской бібліятэкі “Прэч з бурбалкі!” па наладжванні кантактаў з карыстальнікамі ў сацыяльных медыя, матывацыю дзейнасці бібліятэкараў ў свеце тэхналагічных змяненняў, а таксама разнастайныя сацыякультурныя праекты, накіраваныя на папулярызацыю чытання. Жывую цікаўнасць выклікала паведамленне пра вопыт арганізацыі бібліятэчнага велапрабегу ў Швецыі, а таксама прэзентацыя міжнароднага праекта “Cycling for libraries”. Паспяхова прайшло і азнаямленне з магчымасцямі выкарыстання тэхналогій кампаніі ABBYY ў бібліятэках.

На другі дзень работа форуму была арганізавана ў фармаце рэальнай крэатыўнай лабараторыі. Пасля вылучэння і агучвання асноўных тэм для абмеркавання прысутныя падзяліліся на дыскусійныя групы. Сярод асноўных пытанняў былі: прафесійная мабільнасць, папулярызацыя чытання праз сацыякультурныя праекты, матывацыя ў свеце тэхналагічных змяненняў (магчымасці розных медыя для бібліятэк), асаблівасці матывацыі штатных супрацоўнікаў і валанцёраў, сацыяльныя сеткі і наладжванне партнёрства між новымі прафесіяналамі, самаматывацыя бібліятэчных супрацоўнікаў. Кожны меў магчымасць паўдзельнічаць у абмеркаванні двух пытанняў, а напрыканцы ўсе каманды зрабілі высновы, выкарыстаўшы магчымасць выказаць ідэі і падзяліцца думкамі. Увечары ж новыя бібліятэчныя прафесіяналы прысутнічалі на канцэрце мясцовага калектыву “Ладушки” і ўзялі ўдзел у майстар-класе па рускіх народных танцах.

Трэці дзень быў адзначаны велапрабегам “Бібліятэкары ў руху”, прымеркаваным да святкавання Усерасійскага дня бібліятэк. Мэта акцыі – прыцягнуць увагу не толькі да бібліятэчнай прафесіі, але і праблем развіцця велакультуры ў рэгіёне. Пад час праходжання маршруту бібліятэкары наведалі музей гісторыі ў замку Вальдаў (в. Нізоўе), завіталі ў Канстанцінаўскую сельскую бібліятэку і на экскурсію ў дзіцячую бібліятэку г. Гур’еўска. Праехаўшы за дзень 60 кіламетраў, група фінішыравала ля гарадской бібліятэкі № 20 г. Калінінграда.

Ужо па завяршэнні форуму некаторыя яго ўдзельнікі далучыліся да акцыі “Жывая бібліятэка” (Human library), што прайшла ў калінінградскай Цэнтральнай гарадской бібліятэцы імя А.П. Чэхава. Гэты міжнародны сацыяльны праект накіраваны найперш на пераадоленне стэрэатыпаў, якіх шмат сёння ў грамадстве. Гэтым разам у ролі “кніг” выступілі бібліятэкары, распавядаючы “чытачам” пра асаблівасці сваёй прафесіі і адказваючы на разнастайныя пытанні.

Такім чынам, Бібліятэчная крэатыўная лабараторыя ўяўляе сабой “кірмаш ідэй”, які стымулюе працэс бібліятэчнай дзейнасці, абмен ведамі і вопытам у дынамічным рэжыме. Удзел у ёй дае магчымасць расказаць пра вынікі работы, наладзіць новыя кантакты з калегамі, знайсці падтрымку ідэям і партнёраў для ажыццяўлення разнастайных праектаў. Лабараторыя стварае прастору для творчага самавыяўлення і новых адкрыццяў.

Падрабязней

Подробнее

Навіны

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

Круцейшыя, чым у братоў Грым: выходзіць зборнік беларускіх чарадзейных казак

18 Ліс 2019

На “Вулеі” ідзе краўдфандынгавая кампанія для выпуску незвычайнага зборніка: “Вядзьмар, які рабіўся ваўком” – гэта трыццаць беларускіх казак з класічных збораў этнографаў XIX–XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Навіны бібліятэк

Пяцітомнік “Перамога” папоўніў фонд “алмаза ведаў”

16 Ліс 2019

У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.

Навіны Нацыянальнай бібліятэкі Беларусі

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

111