28–30 мая адбылася V Міжнародная навуковая канферэнцыя “Беркаўскія чытанні. Кніжная культура ў кантэксце міжнародных кантактаў”.
Месцам правядзення мерапрыемства стаў горад Пінск – культурная сталіца Беларусі 2019 г.
У былым будынку езуіцкага калегіума, дзе сёння знаходзіцца Музей Беларускага Палесся, прайшлі пленарнае і секцыйныя пасяджэнні канферэнцыі. У рамках пленарнага пасяджэння адбылася прэзентацыя выданняў, падрыхтаваных Цэнтральнай навуковай бібліятэкай НАН Беларусі і выдадзеных у 2019 г.: “Францыск Скарына: новыя даследаванні” – другі зборнік навуковых артыкулаў пра Францыска Скарыну; “Кириллические издания XVII века: каталог изданий из коллекции Центральной научной библиотеки имени Якуба Коласа Национальной академии наук Беларуси. Вып. 1: 1602–1620-е гг.”.
Работа міжнароднага навуковага семінара “Гісторыя Палесся ў сацыякультурным вымярэнні” ў рамках канферэнцыі была прысвечана вывучэнню традыцый і культурнай спадчыны беларускага Палесся.
У рабоце канферэнцыі прынялі ўдзел спецыялісты навукова-даследчага аддзела кнігазнаўства Нацыянальнай бібліятэкі Беларусі, якія выступілі з навуковымі дакладамі:
"Рукапісныя крыніцы па гісторыі напалеонаўскіх войнаў у НББ: пытанне паходжання і перспектывы даследавання"
Сцебурака Анатоль Мікалаевіч, кандыдат гістарычных навук, дацэнт, загадчык навукова-даследчага аддзела кнігазнаўства;
"Кнігазнаўчыя праекты Нацыянальнай бібліятэкі Беларусі"
Сапега Таццяна Андрэеўна, загадчык сектара навукова-праектнай работы навукова-даследчага аддзела кнігазнаўства;
“«Житие митрополита московского Филиппа (Колычева) и Житие Германа Соловецкого» – рукопись из фонда Национальной библиотеки Беларуси”
Кірэева Галіна Уладзіміраўна, галоўны бібліёграф навукова-даследчага аддзела кнігазнаўства.
“Роля французскіх перыядычных выданняў у aсветніцкай дзейнасці Адукацыйнай камісіі Рэчы Паспалітай”
Палунчанка Вольга Мікалаеўна, вядучы бібліёграф даведачна-інфармацыйнага аддзела, саіскальнік Беларускага дзяржаўнага ўніверсітэта культуры і мастацтваў.
Праграма V Міжнароднай навуковай канферэнцыі “Беркаўскія чытанні. Кніжная культура ў кантэксце міжнародных кантактаў”.
Матэрыял прадастаўлены навукова-даследчым аддзелам кнігазнаўства.
