26–27 мая ў Гродзенскім дзяржаўным універсітэце імя Янкі Купалы адбылася VI Міжнародная навуковая канферэнцыя “Беркаўскія чытанні. Кніжная культура ў кантэксце міжнародных кантактаў”. Нацыянальная бібліятэка Беларусі ўзяла ўдзел у аўтарытэтным навуковым форуме.
Беркаўскія чытанні традыцыйна праводзяцца пад эгідай Міжнароднай асацыяцыі акадэмій навук і Навуковага савета па кнігавыданні і кніжнай культуры. Арганізатарамі міжнароднага форуму выступілі: Нацыянальная акадэмія навук Беларусі, Цэнтральная навуковая бібліятэка імя Якуба Коласа НАН Беларусі, Расійская акадэмія навук, Навуковы і выдавецкі цэнтр “Навука” РАН, Цэнтр даследаванняў кніжнай культуры, Навуковы савет РАН “Гісторыя сусветнай культуры”, Міністэрства адукацыі Рэспублікі Беларусь, Гродзенскі дзяржаўны ўніверсітэт імя Янкі Купалы.
Канферэнцыя аб’яднала 150 вучоных з Беларусі, Расіі, Літвы, Украіны, Францыі, Чэхіі, Кітая, якія ўзялі ўдзел у фармаце анлайн і афлайн. Форум прадставіў актуальныя даследаванні па кніжнай культуры, якая адыгрывае вялікую ролю ў фарміраванні адзінай сучаснай інфармацыйнай прасторы, у кантэксце міжнародных кантактаў.
Прадстаўнікі Нацыянальнай бібліятэкі Беларусі выступілі на міжнародным форуме з наступнымі дакладамі:
- Суша Аляксандр Аляксандравіч, намеснік генеральнага дырэктара – дырэктар па навуковай рабоце і выдавецкай дзейнасці
“Самы прыгожы айчынны Буквар XVII ст.” - Пераверзева Юлія Аляксандраўна, загадчыца аддзела камплектавання фондаў
“Обмен и перераспределение как направление библиотечно-информационной деятельности по распространению книг в обществе” - Сапега Таццяна Андрэеўна, загадчыца сектара навукова-праектнай работы навукова-даследчага аддзела кнігазнаўства
“Камунікацыйная стратэгія культурна-асветніцкана праекта «У госці да кніг»” - Кірэева Галіна Уладзіміраўна, галоўны бібліёграф навукова-даследчага аддзела кнігазнаўства
“«На память моей подруге…»: гимназический альбом в фонде Национальной библиотеки Беларуси”Матэрыял пададзены навукова-даследчым аддзелам кнігазнаўства.
