ГалоўнаяНавіныНавіны Нацыянальнай бібліятэкі Беларусі
Тэставы доступ да часопісаў Emerald
Нацыянальны форум “Музеі Беларусі”

“Берасцейская Біблія: адкрыты дотык”: заняткі ў Брэсце

“Берасцейская Біблія: адкрыты дотык”: заняткі ў Брэсце
Іншыя навіны

6 кастрычніка ў аддзеле літаратуры для дзяцей і юнацтва Брэсцкай абласной бібліятэкі імя М. Горкага адбыліся заняткі ў межах серыі мерапрыемстваў “Берасцейская Біблія: адкрыты дотык”.

Юным удзельнікам было прэзентавана ўнікальнае факсімільнае выданне знакамітай Берасцейскай Бібліі. Экспертамі па тэме выступілі намеснік дырэктара Нацыянальнай бібліятэкі Беларусі, кнігазнавец і культуролаг Аляксандр Суша і загадчык сектара навукова-праектнай работы Таццяна Сапега.

Дзеці з дапамогай “машыны часу” апынуліся ў Берасці XVI ст., даведаліся пра гісторыю друкарні і выдавецкай дзейнасці. Цэнтральным аб’ектам спазнання стала самае загадкавае, прыгожае і дарагое выданне ў айчыннай гісторыі – Берасцейская Біблія. Кожны ўдзельнік меў магчымасць дакрануцца да кніжнага помніка ў прамым і пераносным сэнсе.

Заняткі былі арганізаваны з дапамогай дыялогавай камунікацыі і прынцыпу крэатыўнасці, што стымулявала інтэлектуальную і творчую актыўнасць дзяцей, здольнасць да творчага ўспрымання феномена культуры.

Бібліятэкі ўсё больш становяцца культурна-адукацыйнымі прасторамі, якія перадаюць культурны вопыт, фарміруюць устойлівае ўспрыманне светапоглядных, маральных і культуралагічных каштоўнасцей папярэдніх пакаленняў. Заняткі прадэманстравалі, што папулярызацыя кніжнай спадчыны для дзяцей з’яўляецца важным і актуальным кірункам дзейнасці бібліятэк. Яны накіраваны на развіццё цікавасці да кнігі і чытання, фарміраванне гонару за дасягненні і багатыя традыцыі айчыннай кніжнай культуры.

Матэрыял прадастаўлены навукова-даследчым аддзелам кнігазнаўства.

Навіны

Фонды яшчэ 37 бібліятэчных устаноў можна ўбачыць у Зводным электронным каталогу бібліятэк Беларусі

7 Жні 2020

68 тысяч бібліяграфічных запісаў на дакументы, якія захоўваюцца ў бібліятэках Шклоўскага і Крычаўскага раёнаў, папоўнілі рэгіянальны блок ЗЭК бібліятэк Беларусі – РЗЭК бібліятэк Магілёўскай вобласці.

Навіны Нацыянальнай бібліятэкі Беларусі

6 жніўня – дзень нараджэння беларускай друкаванай кнігі

6 Жні 2020

Беларускі першадрукар Францыск Скарына пачаў выдавецкую дзейнасць у 1517 годзе ў Празе. Першай кнігай стаў Псалтыр, у якім была пазначана дата завяршэння. Дзякуючы гэтаму мы ведаем не толькі год, а нават дзень нараджэння беларускай друкаванай кнігі – 6 жніўня 1517 года.

Навіны Нацыянальнай бібліятэкі Беларусі

Тэатр Уладзіслава Галубка

7 Жні 2020

Сёлета 10 жніўня спаўняецца 100 гадоў з пачатку існавання Беларускага трэцяга дзяржаўнага тэатра, арганізатарам і кіраўніком якога быў буйны дзеяч нацыянальнай сцэны, першы народны артыст Беларусі Уладзіслаў Іосіфавіч Галубок (1882–1937).

Праект “Сведкі эпохі: Беларусь на старонках газет 100-гадовай даўніны”

Да 180-годдзя загадкавага Альгерда Абуховіча

6 Жні 2020

У гісторыю беларускай літаратуры Альгерд Рышардавіч Абуховіч (псеўданім Граф Бандынэлі, даты жыцця 6 жніўня 1840 – 22 жніўня 1898) увайшоў як паэт, пісьменнік-рэаліст, перакладчык, адзін з пачынальнікаў жанру байкі, мастацкай прозы і мемуарыстыкі.

Па старонках беларускага календара

Пра сучасную Беларусь распавядае новая выстава бібліятэкі

5 Жні 2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106).

Кніжныя выстаўкі

Беларускія кнігі перададзены аўтаноміі беларусаў Расіі

5 Жні 2020

3 жніўня ў рамках дабрачыннай акцыі “Пра Беларусь – беларусам замежжа” Федэральнай нацыянальна-культурнай аўтаноміі беларусаў Расіі перададзена ў дар больш за 300 асобнікаў беларускіх выданняў.

Навіны Нацыянальнай бібліятэкі Беларусі

111