ГалоўнаяНавіныБлог прафесійнага чытача
У Оршы на жылым доме намалявалі вялікі партрэт Уладзіміра Караткевіча
Больш, чым пісьменнік: адкрылася выстаўка “Княства вобразаў і слоў” (+ відэа)

#BelBookChallenge 2020 – на старт!

#BelBookChallenge 2020 – на старт!
Іншыя навіны

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 сакавіка ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Кніжны чэлендж – гэта абяцанне прачытаць кнігі са спіса за пэўны час. Кніжны чэлендж ад Нацыяналкі – гэта 12 пунктаў, якія мы прапануем вам выканаць да 6 лютага 2021 года (чэлендж падоўжаны да 6 сакавіка 2021 года). У гэтых пунктах няма пэўных твораў – толькі тэмы, пад якія могуць падыходзіць дзясяткі кніг. Проза, паэзія, пераклады і, вядома ж, творы Караткевіча – у нашых тэмах любы знойдзе кнігі пад уласны густ. Такія розныя пункты спіса адкрыюць перад вамі новыя гарызонты і дапамогуць выйсці за рамкі звыклых літаратурных густаў. Хто ведае, можа, менавіта цяпер вы сустрэнеце тую-самую-кнігу!

Дык як прыняць удзел?

  1. Пачаць чэлендж можна ў любы дзень, а выконваць пункты – у любой паслядоўнасці. І чым раней пачнеце, тым больш паспееце прачытаць!
  2. Прачытаць 12 кніг да 06.03.2021. На кожную з тэм – па адной кнізе. Не забудзьцеся: усе кнігі з вашага спіса павінны належаць беларускім аўтарам або быць перакладзенымі на беларускую мову.
  3. Пасля чытання кожнай кнігі трэба пакінуць водгук на яе ў сацсетках. Гэта можа быць кароткая рэцэнзія, вашы чытацкія ўражанні ці што заўгодна, што пакажа: кнігу вы сапраўды прачыталі. Чэлендж – гэта выклік самому сабе, так што паспрабуйце не пісаць пра кнігі, якія ўжо чыталі. На 12 кніг – 12 водгукаў. Публікуйце свае рэцэнзіі ў адной з сацсетак (УКантакце, Facebook або Instagram) з хэштэгам #BelBookChallenge і ўказаннем пункта з нашага спіса, якому адпавядае абраная вамі кніга. Не забывайце ставіць хэштэг і адкрыць свой акаўнт, каб мы ўбачылі ваш водгук.

Вашы рэцэнзіі будуць актыўна рэпосціцца на старонках Нацыянальнай бібліятэкі ў сацсетках, а лепшыя чытацкія водгукі ў канцы чэленджу з’явяцца на сайце ў выглядзе асобнай падборкі! Акрамя таго, на працягу ўсёй акцыі ў нашых сацсетках будуць з’яўляцца падборкі рэкамендацый па кожнай з тэм – на той выпадак, калі вы заблукалі ў моры зборнікаў паэзіі з белай вокладкай або кніг Караткевіча пра дысідэнтаў.

Таму разгортвайце свае літаратурныя дзённікі, хапайце чытацкія білеты і наперад – да новых кніжных гарызонтаў! А калі вам цікава даведацца болей пра кніжныя чэленджы як з’яву культуры, то ў нас і аб гэтым ёсць прыдатны матэрыял.

Прымай выклік – чытай як ніколі!

Тых, хто адолее гэты кніжны шлях цалкам, чакаюць прызы ад партнёраў BelBookChallenge!

– Літаратурны музей Петруся Броўкі – рамантычны вечар “Музей для дваіх” 14 лютага.

– Цэнтр візуальных і выканальніцкіх мастацтваў “АРТ Корпорейшн” – квіткі на любы спектакль з рэпертуару.

– Літаратурны часопіс “Маладосць” – падборка публікацый часопіса за 2020 год.

– І спецыяльны прыз ад Нацыянальнай бібліятэкі – настолькі ўражлівы, што мы захаваем інтрыгу.

#BelBookChallenge – спіс тэм:

  1. Кніга, намінаваная на літаратурную прэмію
  2. Кніга, якую параіць вам бібліятэкар
  3. Антыўтопія ў беларускіх дэкарацыях
  4. Кніга, дзе фігурыруе выбітная гістарычная постаць
  5. Кніга, дзе ён яе кахае, а яна яго не
  6. Кніга, дзе герой – дысідэнт
  7. Зборнік паэзіі, які складаецца з верлібраў
  8. Зборнік з пераважна белай вокладкай
  9. Зборнік любоўнай лірыкі
  10. Кніга, якая падабалася вам у дзяцінстве, у перакладзе на беларускую мову
  11. Пераклад замежнай класікі
  12. Кніга, перакладзеная з рускай мовы

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111