12 лістапада Надзвычайны і Паўнамоцны Пасол Рэспублікі Беларусь у Рэспубліцы Малдова Анатолій Калінін ва ўрачыстай абстаноўцы перадаў Нацыянальнай бібліятэцы Рэспублікі Малдова калекцыю беларускіх выданняў, падрыхтаваную Нацыянальнай бібліятэкай Рэспублікі Беларусь у рамках праекта “Беларусь сёння”.
У сваім выступленні А. Калінін высока ацаніў усталяваны паміж Беларуссю і Малдовай узровень двухбаковага супрацоўніцтва, аснову якога складаюць узаемная павага, падтрымка і сяброўства. Падкрэсліў зацікаўленасць у далейшым развіцці ўзаемадзеяння ў палітычнай, эканамічнай, гуманітарнай і іншых сферах.
Міжнародны праект “Беларусь сёння” Нацыянальная бібліятэка Беларусі паспяхова рэалізуе сумесна з Міністэрствам культуры пачынаючы з 2010 года. У збор уваходзяць лепшыя літаратурна-мастацкія, навуковыя, навукова-папулярныя выданні, энцыклапедыі, даведнікі і фотаальбомы.
Калекцыі беларускіх выданняў перададзены ўжо дваццаці тром найбуйнейшым бібліятэкам свету.
Матэрыял пададзены аддзелам сувязей з грамадскасцю.
