27 сакавіка прайшоў канцэрт-лекцыя “Новая фальклорная хваля: беларуская народная песня ў апрацоўцы сучасных кампазітараў”, арганізаваны ў рамках сумеснага праекта Нацыянальнай бібліятэкі Беларусі і Нацыянальнай акадэміі навук Беларусі.
Лектар – кандыдат мастацтвазнаўства, дырыжор Галіна Паўлаўна Цмыг – разам з музычнай капэлай “Спеў Белай Русі” прадставіла цікавы матэрыял аб народных песнях і майстэрстве іх апрацоўкі, дзякуючы якой яны выклікаюць захоплены водгук у сучасных слухачоў.
Лекцыю цудоўна дапаўнялі музычныя прыклады. Кульмінацыяй мерапрыемства стала сумеснае выкананне песень артыстамі і гледачамі, якія сталі паўнапраўнымі ўдзельнікамі канцэрту.
Чакаем усіх жадаючых на наступных мерапрыемствах!
Уваход – вольны (пры наяўнасці чытацкага білета або пропуска сацыякультурнага цэнтра).
Тэлефон для даведак: (8 017) 293 27 52.
Матэрыял прадастаўлены аддзелам абслугоўвання спецыялізаванымі фондамі.