12–13 лістапада 2009 года ў Мінску адбудзецца Беларускі інвестыцыйна-эканамічны форум.
Мерапрыемства пройдзе адначасова з шостым пасяджэннем Кансультацыйнага савета па замежных інвестыцыях пры Савеце Міністраў Рэспублікі Беларусь пад старшынствам прэм’ер-міністра краіны Сяргея Сідорскага.
Мэта форуму – прыцягненне ўвагі дзелавой аўдыторыі з-за мяжы да працэсаў, што адбываюцца ў Беларусі, у галіне лібералізацыі эканомікі, фарміравання спрыяльных умоў для вядзення бізнесу і прыцягнення інвестыцый.
Мерапрыемства накіравана галоўным чынам на садзейнічанне развіццю інвестыцыйнага супрацоўніцтва паміж замежнымі партнёрамі і прадпрыемствамі Беларусі, у тым ліку праз рэкламу буйных беларускіх бізнес-праектаў.
Праграма форуму ўключае дыскусію па такіх тэмах, як уваходжанне Беларусі ў трыццатку дзяржаў па ўмовах вядзення бізнесу, ацэнка мер па паляпшэнні інвестыцыйнага клімату ў Беларусі, перспектывы супрацоўніцтва Беларусі з краінамі Еўрапейскага саюза, задзейнічанне навукова-тэхнічнага патэнцыялу краіны для прыцягнення інвестыцый і інш.
Крыніца: Міністэрства ўнутраных спраў Рэспублікі Беларусь
