3 чэрвеня а 16-й гадзіне ў галерэі “Панарама” (22-гі паверх) адбудзецца ўрачыстае адкрыццё выстаўкі дыпломных работ Комплексу дзяржаўных школ мастацтваў імя Т. Макоўскага (Польшча) і Мінскага дзяржаўнага мастацкага каледжа імя А. Глебава (Беларусь).
Будзе прадстаўлена звыш 50 творчых работ навучэнцаў і выпускнікоў устаноў адукацыі ў такіх відах выяўленчага мастацтва, як жывапіс, дызайн і скульптура.
У адкрыцці выстаўкі прымуць удзел прадстаўнікі Міністэрства культуры Рэспублікі Беларусь, Пасольства Рэспублікі Польшча ў Рэспубліцы Беларусь, грамадскіх аб’яднанняў, выкладчыкі і навучэнцы.
З 4 чэрвеня ўваход на выстаўку “Дыялогі” платны (складае кошт наведвання агляднай пляцоўкі).
Тэлефоны для даведак: (8 017) 293 27 56, 293 78 33.
Е-mail: pr@nlb.by