26 сакавіка ў СШ № 191 адбыўся семінар для настаўнікаў і бібліятэкараў школьных бібліятэк Першамайскага раёна г. Мінска на тэму “Беларусазнаўчыя інфармацыйныя рэсурсы Нацыянальнай бібліятэкі Беларусі ў дапамогу адукацыйнаму працэсу”.
У працы семінара ўзялі ўдзел прадстаўнікі больш за 25 навучальных устаноў Першамайскага раёна г. Мінска.
На семінары спецыялісты Нацыянальнай бібліятэкі Беларусі прадставілі анлайн-энцыклапедыю “Беларусь у асобах і падзеях” (даклад Наталлі Барсуковай), прадэманстравалі магчымасці электроннага інфармацыйнага рэсурсу “Беларусь у інфармацыйнай прасторы” (даклад Людмілы Гарбачовай) і расказалі аб Рэгіянальных зводных электронных каталогах бібліятэк Беларусі (даклад Таццяны Комлевай).
Асаблівую падзяку за дапамогу ў арганізацыі мерапрыемства выказваем Вользе Мурашка, кіраўніку раённага метадычнага аб’яднання бібліятэкараў.
Матэрыял пададзены навукова-даследчым аддзелам бібліяграфіі.