ГалоўнаяНавіныНавіны Нацыянальнай бібліятэкі Беларусі
Гамеапатычным метадам раскрываюць тып Элізы Ажэшкі
Праект Нацыянальнай бібліятэкі Беларусі – адзін з пераможцаў XVI Міжнароднага конкурсу “Мастацтва кнігі” дзяржаў – удзельніц СНД

Беларусь – Швейцарыя: супрацоўніцтва працягваецца

Беларусь – Швейцарыя: супрацоўніцтва працягваецца
Іншыя навіны

Факсімільнае выданне кніг Францыска Скарыны стала асновай для правядзення шматлікіх мерапрыемстваў, як у Беларусі, так і за мяжой, прысвечаных 500-годдзю беларускага кнігадрукавання.

Навуковыя і культурныя акцыі на працягу 2017–2018 гг. адбыліся ў шэрагу краін, стаўшы найважнейшай падзеяй у міжнародных міжкультурных узаемаадносінах нашай краіны. У 2019 г. факсіміле працягвае папаўняць фонды замежных устаноў культуры і адукацыі.

Вялікую цікавасць да выдання праяўляюць заходнія ўніверсітэты і каледжы. Асаблівую каштоўнасць выданне ўяўляе для студэнтаў, якія спецыялізуюцца па славістыцы, рускай і беларускай філалогіі. Факсімільнае выданне ўжо папоўніла фонд Усходнееўрапейскай бібліятэкі Швейцарыі, якая з’яўляецца найбуйнейшай бібліятэкай краіны па гісторыі і сучаснасці Усходняй Еўропы.

Zurih_1.jpg

12 чэрвеня ў самай вялікай навуковай бібліятэцы ў галіне славістыкі ў Швейцарыі – Цюрыхскай бібліятэцы славістыкі – адбыліся ўрачыстае мерапрыемства, прысвечанае беларускаму кнігадрукаванню, а таксама перадача ў дар факсімільных выданняў “Кніжная спадчына Францыска Скарыны” і “Буквар” (1618).

На мерапрыемстве з вітальным словам і прэзентацыяй беларускага кнігадрукавання і Нацыянальнай бібліятэкі Беларусі выступіў дырэктар Раман Матульскі. Паводле яго слоў, падзеі падобнага роду паслужаць далейшаму развіццю беларуска-швейцарскага супрацоўніцтва ў сферы культуры і будуць спрыяць фарміраванню станоўчага іміджу Рэспублікі Беларусь у Швейцарскай Канфедэрацыі.

Zurih_2.jpg

Напрыканцы мерапрыемства адбылася двухбаковая сустрэча з кіраўніцтвам Цюрыхскай бібліятэкі славістыкі, дзе ўдзельнікі абмеркавалі далейшае ўзаемадзеянне паміж установамі і перспектыўныя праекты.

Візіт адбыўся пры арганізацыйнай падтрымцы Пасольства Рэспублікі Беларусь у Швейцарскай Канфедэрацыі.
Партнёрам па факсімільным узнаўленні кніг Францыска Скарыны стаў Банк БелВЭБ. Факсіміле першага ў свеце “Буквара” было выдадзена пры падтрымцы Еўрапейскага банка рэканструкцыі і развіцця і Беларускага банка развіцця і рэканструкцыі “Белінвестбанк”.

Заўтра, 13 чэрвеня, пра “алмаз ведаў”, спадчыну Скарыны і міжнародны праект па яго ўзнаўленні ў выглядзе шматтомнага факсіміле будуць гаварыць у г. Фрыбуры і сценах Музея Гутэнберга.

Матэрыял прадастаўлены аддзелам сувязей з грамадскасцю.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Адкрыты бясплатны доступ да рэсурсу Cochrane Library

24 Чэр 2019

Віртуальная чытальная зала Нацыянальнай бібліятэкі паведамляе, што на тэрыторыі Беларусі на працягу 2019 года для ўсіх арганізацый адкрыты бясплатны доступ да электроннага інфармацыйнага рэсурсу Cochrane Library.

Навіны Нацыянальнай бібліятэкі Беларусі

Выйшла кніга, прысвечаная II Еўрапейскім гульням

23 Чэр 2019

Выдавецтва “Беларуская Энцыклапедыя імя Петруся Броўкі” падрыхтавала і выпусціла ў свет кнігу на беларускай і англійскай мовах “Спорт вышэйшых дасягненняў. ІІ Еўрапейскія гульні – свята міру, спорту, дружбы народаў Еўропы” ў серыі “Беларусь спартыўная”. Кніга атрымалася не проста цікавая, а ў многіх адносінах пазнавальная, з адмысловым высокамастацкім афармленнем.

Навіны бібліятэк

Тры кнігі Васіля Быкава выйшлі па-ўкраінску ў выдавецтве "Знання"

22 Чэр 2019

Штогадовы ўкраінскі “Книжковий Арсенал” з’яўляецца выдатнай пляцоўкай для творчых кантактаў пісьменнікаў усяго сусвету. Сёлетні форум творцаў мастацкага і навуковага слова праходзіў пад дэвізам “Суседства: пытанні супольнага жыцця на аснове дамоўленасцей і блізкіх каштоўнасцей”.

Навіны бібліятэк

Удзел у канферэнцыі “Санкт-Пецярбург і беларуская культура”

20 Чэр 2019

Традыцыйна ў сярэдзіне чэрвеня ў Расійскай нацыянальнай бібліятэцы адбылася XXVII штогадовая канферэнцыя “Санкт-Пецярбург і беларуская культура”, арганізаваная сумесна з Санкт-Пецярбургскай асацыяцыяй беларусістаў.

Навіны Нацыянальнай бібліятэкі Беларусі

111