9 лютага ў Нацыянальнай бібліятэцы адбылася публічная лекцыя з цыклу “Крыніцы гістарычнай памяці”, прысвечаная Году гістарычнай памяці.
З тэмай “Беларусь на старажытных картах” выступіў знакаміты даследчык старажытных беларускіх карт, гісторык, перакладчык, аўтар фундаментальных прац па гісторыі беларускай картаграфіі, складальнік гістарычных атласаў і збораў даўніх карт, аўтар рэканструкцыі шэрагу старажытных карт, атласаў і глобусаў, кандыдат гістарычных навук Леў Казлоў. Калегі завуць яго “беларускім Меркатарам”, параўноўваючы са знакамітым фламандскім картографам і географам XVI ст.
калі ж упершыню на картах з’явіліся беларускія землі? ці ведаў Пталемей пра Беларусь? калі з’явіліся першыя карты з тапонімам “Белая Русь”? на падставе чаго тэрыторыі дзяржаў і зямель вылучалі на даўніх картах рознымі колерамі?
Друкаваныя карты свету з’яўляюцца найбольш універсальным і запатрабаваным прадметам калекцыянавання. Попыт на гэтыя карты маецца не толькі з боку калекцыянераў, але і інвестараў, таму яны вылучаюцца асабліва высокім коштам.
Наступная сустрэча для ўсіх жадаючых адбудзецца 16 лютага а 15-й гадзіне ў зале адукацыйных тэхналогій. Іван Сацукевіч, гісторык, аўтар шматлікіх публікацый пра беларускую сталіцу, член камісіі па найменаванні і перайменаванні праспектаў, вуліц, плошчаў і іншых састаўных частак Мінска пры гарвыканкаме, выступіць з тэмай “Адлюстраванне гістарычнай памяці ў назвах вуліц Мінска”.
Запісы мінулых лекцый і жывыя трансляцыі наступных можна глядзець на канале YouTube ў графе “Трансляцыі” па адрасе https://www.youtube.com/c/BelarusBook/videos.
Матэрыял пададзены аддзелам сувязей з грамадскасцю.