ГалоўнаяНавіныНавіны Нацыянальнай бібліятэкі Беларусі
Пра лёсы дзяржаўнасці ў фармаце адкрытага дыялогу
Cвяткуем Новы год і Каляды культурна!

Беларусь мая сінявокая: падведзены вынікі першага Года малой радзімы

Беларусь мая сінявокая: падведзены вынікі першага Года малой радзімы
Іншыя навіны

19 снежня ў бібліятэцы прайшла “Краязнаўчая прэзентацыя першага Года малой радзімы”.

Арганізатары мерапрыемства – Нацыянальная бібліятэка Беларусі і грамадскае аб’яднанне “Беларускі фонд культуры” (БФК), рэдакцыі газет “Звязда” і “Краязнаўчая газета”.

У Беларусі 2018–2020 гады пройдуць пад знакам Года малой радзімы. Гэта значыць, што ўвага дзяржаўных устаноў і актыўных грамадзян будзе накіравана на тое, што блізка кожнаму чалавеку – яго малая радзіма. Для адных гэта родная вёска, горад, вуліца або невялікі дворык, для іншых – кавалачак дзікай прыроды, а можа, і ўся краіна.

На мерапрыемстве аб сваёй працы ў рамках рэспубліканскага праекта расказалі прадстаўнікі сталічных і рэгіянальных музеяў, бібліятэк, галерэй, сродкаў масавай інфармацыі.

Старшыня Беларускага фонду культуры Тадэвуш Стружэцкі падзяліўся вынікамі работы БФК рэалізаваны праект “Мой род – мая радзіма” і створана пастаянная рубрыка “Малой Радзіме – вялікую ласку” ў “Краязнаўчай газеце”. Таксама Беларускі фонд культуры ўдзельнічаў у арганізацыі двух рэспубліканскіх конкурсаў: “Бібліятэка – асяродак нацыянальнай культуры” сумесна з Нацыянальнай бібліятэкай Беларусі і “Славутыя імёны маёй малой Радзімы” сумесна з газетай “Звязда”.

Першы намеснік дырэктара Нацыянальнай бібліятэкі Беларусі Алена Далгаполава правяла прэзентацыю электронных рэсурсаў і віртуальных праектаў бібліятэкі, прысвечаных Году малой радзімы.

Удзельнікі мерапрыемства азнаёміліся з навінкамі краязнаўчай літаратуры з фондаў Нацыянальнай бібліятэкі і выданнямі мясцовых краязнаўцаў, устаноў культуры і грамадскіх аб’яднанняў. На выстаўцы таксама былі прадстаўлены асобныя матэрыялы, дасланыя на рэспубліканскі конкурс “Славутыя імёны маёй малой Радзімы”.

Матэрыял прадастаўлены аддзелам сувязей з грамадскасцю.

Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

“Алмаз становіцца дыяментам”: хроніка будаўніцтва Нацыянальнай бібліятэкі Беларусі, 2004 год

16 Чэр 2021

16 чэрвеня 2006 года адбылося ўрачыстае адкрыццё новага будынка Нацыянальнай бібліятэкі Беларусі. Сёння мы працягваем публікацыі па матэрыялах прэсы аб яго будаўніцтве, якое стала яркай падзеяй у гісторыі бібліятэкі, ды і ўсёй краіны.

Да 100-годдзя Нацыянальнай бібліятэкі Беларусі

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Бібліятэкарам
111