17 верасня ў Нацыянальнай бібліятэцы адбылося культурна-патрыятычнае мерапрыемства “Беларусь – краіна адзінства”, прымеркаванае да Дня народнага адзінства.
Новае свята – Дзень народнага адзінства – падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці.
Святочным падарункам сталі выступленні духавога аркестра 56-га асобнага палка сувязі, узорнага харэаграфічнага ансамбля “Сузор’е” з харэаграфічнай кампазіцыяй “Мая Беларусь”, армянскага танцавальнага ансамбля “Эрэбуні” пры ГА “Мінскае гарадское армянскае культурна-асветніцкае таварыства «Айастан»”, Вольгі Загадскай ад ГА “Саюз палякаў на Беларусі”, старшыні Украінскага культурна-асветніцкага таварыства “Краяны” (г. Маладзечна) Беларускага грамадскага аб’яднання “Ватра” Ясеніі Мікуліч, групы “Правакацыя”.
Для гасцей мерапрыемства супрацоўнікі бібліятэкі правялі экскурсію па выставачным праекце да Года народнага адзінства “Сімвалы жыцця”. Наведвальнікі таксама маглі азнаёміцца з тэматычнай выставай “У сям’і адзінай”, на якой прадстаўлена каля 50 дакументаў з фонду Нацыянальнай бібліятэкі Беларусі: навуковыя і навукова-папулярныя выданні, энцыклапедыі па гісторыі Беларусі, артыкулы ў перыядычных выданнях. Таксама на выставе прадстаўлены кнігі, прысвечаныя юбілеям ўз’яднання Заходняй Беларусі з БССР у 1939 г.
Арганізатары мерапрыемства – Нацыянальная бібліятэка Беларусі і Адміністрацыя Першамайскага раёна г. Мінска.
Матэрыял падрыхтаваны аддзелам сувязей з грамадскасцю.