20 верасня ў музеі кнігі адкрылася міжнародная выстаўка “Беларусь і Біблія”.
Наведвальнікаў чакаюць унікальныя рарытэты з розных куткоў свету, якія адлюстроўваюць гісторыю галоўнага помніка цывілізацыі – Бібліі, самай вядомай і ўплывовай кнігі ўсіх часоў, у якой сабраны найважнейшыя духоўныя каштоўнасці ўсяго чалавецтва.
Узрост прадстаўленых экспанатаў дасягае 5 тысяч гадоў. Многія артэфакты спецыялісты ацэньваюць у мільёны еўра, але для сусветнай культуры яны неацэнныя.
Наведаць выстаўку “Беларусь і Біблія” можна да 21 кастрычніка 2018 г.
Падрабязнасці глядзіце ў сюжэце праграмы “Добрай ранiцы, Беларусь!” тэлеканала “Беларусь 1”.