19 снежня а 16.00 гадзіне ў галерэі “Лабірынт” адбудзецца літаратурны салон “Баль навагрудскага песняра”, прысвечаны творчасці Адама Міцкевіча (1798–1855).
Пераднавагодняе свята “Баль навагрудскага песняра” ў гонар Адама Міцкевіча – гэта даніна павагі Нацыянальнай бібліятэкі Беларусі нашаму славутаму суайчынніку. На вечары адбудуцца сустрэчы з цікавымі асобамі, аматарамі творчасці Адама Міцкевіча.
Святочную атмасферу свецкіх баляў пачатку ХІХ ст. створаць удзельнікі музычна-тэатралізаванага праекта “Doux Souvenir” і гісторыка-танцавальнага праекта “Эпоха Міхала Клеафаса”.
“Перачытаць Міцкевіча ўсяго...” закліча кніжна-ілюстрацыйная выстаўка, адкрыццё якой адбудзецца ў рамках літаратурнага салона. Выстаўка прадставіць увазе гледачоў каля 300 дакументаў, сярод якіх выданні ХІХ–ХХ ст., шматлікія партрэты Адама Міцкевіча і ілюстрацыі да яго твораў вядомых мастакоў. Асобнае месца ў экспазіцыі зоймуць выданні розных гадоў бессмяротных паэм Міцкевіча “Пан Тадэвуш”, “Гражына”, “Конрад Валенрод”.
Тэлефоны для даведак: (8 017) 293 27 56, 293 29 80.
Е-mail: pr@nlb.by