16 кастрычніка ў дзіцячым пакоі Нацыянальнай бібліятэкі Беларусі ладзіліся творчыя заняткі з цыкла “Нетрадыцыйныя спосабы выяўлення”.
З дапамогай розных відаў паперы, сурвэтак, круп, ватных дыскаў дзеці зрабілі пано “Асенняя пара – вачэй зачараванне”.
Хлопчыкі і дзяўчынкі чыталі вершы пра восень, адгадвалі загадкі, расказвалі вясёлыя гісторыі, якія здарыліся з імі ўвосень. Падчас творчай дзейнасці ўдзельнікі замацавалі мастацкія навыкі работы, паэксперыментавалі з колерам, матэрыялам, прапанавалі свае варыянты выявы.
Для стварэння добрага настрою на занятках гучалі знаёмыя і любімыя дзіцячыя песні.
 |
 |
 |
