24 красавіка 2008 года а 17-й гадзіне ў канферэнц-зале Нацыянальнай бібліятэкі Беларусі адбылося ўрачыстае адкрыццё I Мінскай міжнароднай выстаўкі графікі "Арт-лінія".
На вернісажы было прадстаўлена больш за 160 графічных твораў мастакоў з Аўстрыі, Італіі, Германіі, Арменіі, Сербіі, Украіны, Расіі, Польшчы, Эстоніі, сярод якіх – работы ганаровай госці, вядомай італьянскай мастачкі Карлы Аккардзі.
У рамках выстаўкі быў праведзены конкурс, вынікі якога ацаніла міжнароднае журы,куды ўвайшлі мастакі і мастацтвазнаўцы з Сербіі, Польшчы, Эстоніі, Літвы, Беларусі і Італіі.
Сваё майстэрства гледачам прадэманстравалі члены Нацыянальнай каманды Рэспублікі Беларусь па мастацкай гімнастыцы, пераможцы і прызёры Чэмпіянату Еўропы, міжнародных і рэспубліканскіх спаборніцтваў, майстры спорту і музыкі.
Выстаўка будзе працаваць да 5 чэрвеня.