22 красавіка ў рамках мерапрыемстваў, прысвечаных Сусветнаму дню кніг і аўтарскага права, у Нацыянальнай бібліятэцы адбылася культурна-асветніцкая акцыя “Погляд аўтара. Праз лінію часу”.
У мерапрыемстве ўзялі ўдзел прадстаўнікі Нацыянальнага сходу Рэспублікі Беларусь, Міністэрства культуры Рэспублікі Беларусь, ЮНЕСКА, Нацыянальнага цэнтра інтэлектуальнай уласнасці, прадстаўнікі навуковай грамадскасці.
У рамках акцыі адбылася ўрачыстая цырымонія падпісання дагавораў аб перадачы аўтарамі праў на прадстаўленне іх твораў у базе даных “Электронная бібліятэка Нацыянальнай бібліятэкі Беларусі”.
У цырымоніі падпісання ўзялі ўдзел прафесар кафедры менеджменту эканамічнага факультэта БДУ С.А. Сударыкаў, вядомы беларускі кампазітар А. Молчан, доктар педагагічных навук, прафесар Р.С. Матульскі.
Асаблівую, святочную атмасферу акцыі ствараў камерны аркестр Беларускай дзяржаўнай акадэміі музыкі.