У чарадзе навагодніх святаў асаблівае месца займаюць Каляды – час дабрых спраў і падарункаў. Працягваючы шматгадовую традыцыю акцый па перадачы кніг бібліятэкам, супрацоўнікі Нацыянальнай бібліятэкі наведалі ў Мінску прыход храма Святой Роўнаапостальнай княгіні Вольгі і перадалі бібліятэцы нядзельнай школы больш за 200 выданняў.
Фонды бібліятэкі папоўніліся выданнямі па гісторыі рэлігіі, творамі класікаў сусветнай мастацкай літаратуры, сучасных аўтараў, дзіцячых пісьменнікаў, а таксама вучэбнай, даведачнай і развіццёвай літаратурай для падрастаючага пакалення.
Чытайце таксама аб іншых акцыях бібліятэкі па перадачы кніг у дар.
Матэрыял пададзены аддзелам камплектавання фондаў.