15 сакавіка ў Нацыянальнай бібліятэцы Беларусі прайшла Усебеларуская акцыя “Мы – грамадзяне Беларусі” ў рамках святкавання Дня Канстытуцыі Рэспублікі Беларусь.
Ва ўрачыстай атмасферы лепшыя прадстаўнікі вучнёўскай моладзі Першамайскага раёна сталіцы атрымалі пашпарты. Юнакоў і дзяўчат павіншавалі прадстаўнік Мінскага гарадскога Савета дэпутатаў Васіль Панасюк і намеснік кіраўніка адміністрацыі Першамайскага раёна г. Мінска Анатоль Каштальян.
Дэпутат Палаты прадстаўнікоў Нацыянальнага сходу Рэспублікі Беларусь Зігмунд Валевач і першы сакратар Першамайскага раённага камітэта грамадскага аб’яднання “БРСМ” Вольга Мазура ўручылі вучням сярэдняй школы № 121 і гімназіі № 2 членскія білеты Беларускага рэспубліканскага саюза моладзі.
Тэлефон для даведак: (8 017) 293 27 67.
Е-mail: pr@nlb.by