З пачатку года Нацыянальная бібліятэка Беларусі ў рамках дабрачыннай акцыі “Чытанне – прастора інфармацыі і ведаў” перадала каля 14 тысяч экзэмпляраў выданняў 125 бібліятэкам розных адукацыйных устаноў краіны.
Фонды бібліятэк сярэдніх школ, гімназій і каледжаў Баранавічаў, Брэста, Вілейкі, Віцебска, Гродна, Жодзіна, Лунінца, Мінска, Міра, Магілёва, Оршы, Пінска, Светлагорска і Салігорска папоўніліся творамі класікаў беларускай і замежнай літаратуры, вытворча-практычнымі, навучальнымі і вучэбна-метадычнымі выданнямі, дзіцячымі і вучэбна-вытворчымі часопісамі.
Падораныя камплекты сабраны НББ пры актыўным удзеле выдавецтваў “Пачатковая школа”, “Народная асвета”, “Беларусь”, кнігагандлёвых арганізацый “БукЛайнГруп”, "БелтаймКніга", “Мобилбук”, “Красіка-Прынт”, “Питер-М”, “Эўрыка-М” і Мінскага гарадскога інстытута развіцця адукацыі.
Запрашаем далучыцца да дабрачыннай акцыі.
Матэрыял прадастаўлены аддзелам камплектавання фондаў.
