У снежні ў Нацыянальнай бібліятэцы Беларусі праводзіўся агляд-конкурс на лепшую арганізацыю работы па ахове працы.
У ім узялі ўдзел 44 структурныя падраздзяленні бібліятэкі.
Адзначана цеснае ўзаемадзеянне работнікаў службы аховы працы са структурнымі падраздзяленнямі па забеспячэнні здаровых і бяспечных умоў працы, высокі ўзровень арганізацыі работы па ахове працы ў бібліятэцы. Вызначаны лепшыя структурныя падраздзяленні па выніках працы ў 2012 годзе.
Пераможцамі агляду-конкурсу сталі:
- I месца – аддзел бібліятэчнага абслугоўвання (заг. аддзела Івашчанка С.І.);
- II месца – аддзел суправаджэння інтэрнэт-партала (заг. аддзела Урбановіч А.Я.);
- III месца – аддзел аўтаматызаванай сістэмы кіравання тэхналагічнымі працэсамі (заг. аддзела Суслаў А.В.).